Isumannaallisaanermut peqqissutsimullu pilersaarut

Ilitsersuut sumannaallisaanermut peqqissutsimullu pilersaarummut sanaartortitsisup akisussaaffigisaanut ataqatigiissaarisup sanaartorfinni atugassatut suliaanut tunngavoq, suliffeqarfiit marluk ataatsimut minnerpaamik inunnik 11-nik ataatsikkut sulisullit.

Malittarisassat pingaarnerit

Ataqatigiissaarisup isumannaallisaanermut aamma peqqissutsimut pilersaarummik allaaserinninnissaa sanaartortitsisup akisussaaffigaa, illuliassap- imaluunniit sanaartugassap annertunissaa aamma ajornakusoornissaa, sanaartornermilu minnerpaamik suliffeqarfiit marluussappata, tamarmik ataatsimut illuliorfimmi- imaluunniit sanaartorfimmi minnerpaamik inunnik 11-nik sulisoqassasoq naatsorsuutigineqarpat.

Sanaartorfik pilersinneqarpat pilersaarut kingusinnerpaamik piareersimassaaq, aamma illuliornerup- imaluunniit sanaartornerup ingerlanneqarnerani ingerlaavartumik nutarterneqassalluni.
Pilersaarut sulisitsisunut aamma sulisunut tamanut piffissami sanaartorfiusumi tamarmi sanaartorfimmi pissarsiarineqarsinnaassaaq.

Pingaarnertut malittarisassat, pillugu:

• Isumannaallisaanermut peqqissutsimullu pilersaarutip suliarinera
• Isumannaallisaanermut peqqissutsimullu pilersaarutip imaa
• Isumannaallisaanermut aamma peqqissutsimut pilersaarutip nutarternera 

1. Isumannaallisaanermut peqqissutsimullu pilersaarutip suliarinera 

Sanaartortitsisup akisussaaffigaa, isumannaallisaanermut aamma peqqissutsimut pilersaarutip suliarineqarnissaa.

Pilersaarummut siunertaavoq, sanaartorfimmi sulisunut tamanut sullivimmi avatangiisit pitsaasuunissaannik qulakkeerinninnissamut tunngaviliisuunissaq. Pilersaarut taamaalilluni sanaartorfimmi ataatsimut sullivimmi avatangiisit pillugit sulinermi aqutsinermut atortutut atuuppoq. Pilersaarut ilaatigut aaqqissuussaanermut pilersaarummik, sanaartorfiup titartagartaanik aamma piffissamut pilersaarummik kiisalu - attuumassuteqarpat - immikkut ulorianaatilinnik suliaqarnermi iliuusissanut takussutissamik imaqassaaq.

Isumannaallisaanermut aamma peqqissutsimut pilersaarut suliarineqassaaq aamma sanaartorfimmi pissarsiarineqarsinnaassaaq, illuliorneq- imaluunniit sanaartorneq aallartippat. Pissarsiarineqarnissaanut piumasaqaammi piumasarineqarpoq, pilersaarut tamakkiisuussasoq, taamaalillunni tamakkiisumik takunnissinnaatitsissalluni paasiuminartuussallunilu. Pilersaarut ass. ringbindimi katersorneqassaaq imaluunniit mappemi ataatsimoorussami elektroniskinngorlugu suliarineqassaaq.

Pilersaarutip suliarineqarnissaa aamma nutarterneqarnissaa sanaartortitsisup akisussaaffigaa, taamaalilluni ilaatigut nunap mingutsinneqarneranut, illumi stoffit ulorianartut imaluunniit illup patajaassusaa kiisalu aalajangiinerit allat pingaarutillit suliamut suliarineqartussamut tunngasut misissoqqaarnerini inernerit eqqarsaatigalugit, qanoq suliarineqassanersut aamma kia suliarissanerai.

Isumannaallisaanermut aamma peqqissutsimut ataatsimut suliaqarfiit ataasiakkaat aamma isumannaallisaatit pillugit isumaqatigiissutit sanaartortitsisup sulisitsisunut ataasiakkaanut isumaqatigiissutigisassai pilersaarummi eqqarsaatigineqassapput. Aamma pilersaarummi allaqqassaaq, aqutsissanersoq, aserfallatsaaliussanersoq aamma ataatsimut isumannaalli, ungallut, sanaartorfimmi innaallagialersuineq, ukiaanerani suliat aamma sanaartorfimmi ilorrisimaarnissamut iliuuserineqartut kiisalu kina torersuutitsinissamut isumaginnissanersoq. Tamanna aamma ass. nalunaaqqusiinermut aamma aqqusinermi suliaqarnermut atatillugu sukkassutsip nalimmassarneranut atuuppoq. Entreprenørit aamma sanaartornermi peqataasut akornanni isumaqatigiissutinut ilaavoq, sanaartornermi peqataasut ataatsimut suliaqarfinni sulianik iluarsiinermut akisussaaffimmik tunineqassasut, aamma isumannaallisaanermut aamma peqqissutsimut pilersaarummi allaqqassaaq.

2. Isumannaallisaanermut peqqissutsimullu pilersaarutip imaa

Sanaartortitsisup akisussaaffigaa, isumannaallisaanermut aamma peqqissutsimut pilersaarutip suliarineqarnissaa, taamaalilluni ima imaqassalluni:

• Aaqqissuussaanermut pilersaarut
• Sanaartorfiup titartagartaa
• Piffissamut pilersaarut
• Angallaffiit nalunaaqutserneri
• Suliassaqarfinnik amerlanerusunik sulisitsisulinnik nalunaarsuineq
• Ataatsimut suliassaqarfinnik aamma ataatsimut isumannaallisaatik nalunaaqutsiineq
• Suliat immikkut ulorianaatillit
• Immikkut aarlerinaateqarsinnaasut
• Ikkussukkanik, isumannaallisaatinik aamma immikkut ulorianaatilinnik ingerlaavartumik nakkutiginninnermut suleriuseq
• Upalungaarsimanermi-, qimarngussinermi-, aamma sungiusarluni pilersaarutinik kina nakkutiginninnersoq ataqatigiissaarinersorlu nalunaarsorlugit.

Aaqqissuussaanermut pilersaarut

Aaqqissuussaanermut pilersaarutip imaa:

• Sanaartortitsisup aqqa, najugaa, oqarasuaataata normua, attaveqaataa il.il.
• Ataqatigiissaarisup aqqa(i) oqarasuaataatalu normua.
• Sanaartorfimmi/sanaartortitsisut aqutsisuiniissapput ateq, najugaq, oqarasuaat il.il.
• Ateq, najugaq, oqarasuaatip normua il.il. kiisalu pilersaarusiortut aamma suliffeqarfiit sanaartorfimmi suliaqartut CVR- imaluunniit RUT-normui.
• Sanaartorfimmi suliffeqarfiit sullivimmi avatangiisit pillugit aaqqiissususaanernni sulisitsisut aqutsisuisa- aamma sullivimmi avatangiisinut sinniisut aqqi, inatsisitigut toqqammaveqartumik sullivimmi avatangiisit pillugit ilinniakkamik ingerlatsisimaasunik imaluunniit ilinniartussanut.
• Suliffeqarfinnut ataasiakkaanut inuttaqartitsinermut pilersaarut.

Pingaarnertut pilersuisut aaqqissuussaanermut pilersaarummi takuneqarsinnaanissaat aama naapertuutissaaq. 

Sanaartorfiup titartagartaa

Sanaartorfiup titartagartaata sumi soqarnersoq takutissavaa:

• Nunaminertami aarlerinartooreersut aamma aarlerinartut sorliit.
• Isertarfiit-, assartuinerit- aamma qimaaffissiat.
• Krani, amutsivik aamma stilladsit.
• Atortunut toqqorsivinnut, sulliviugallartunut aamma eqqaavinnut inissiivissamik immikkoortitsineq.
• Ilorrisimaarnissamut isumannaallisaatinut inissiivissamik immikkoortitsineq.
• Innaallagissamut, imermut, kuuffinnullu atassusiliineq.
• Kalerrisaarinermi-, ikuallaattoornermi-, annaassiniarnermi- aamma ikiueqqaarnermi atortut.

Iserfissat-, assartuineq- aamma qimaaffissiat angallassineq sanaartorfissap titartagartaani takuneqarsinnaassapput aamma allannikumik nassuiaatitaqassallutik. Tamanna aamma ass. illuni iserfissianut ammukaartuni aamma etageni ataasiakkaani iserfissiani atuuppoq. 

Piffissamut pilersaarut

Piffissamut pilersaarummi allaqqassapput:

• Sulisitsisut ataasiakkaat qaqugu sanaartorfiusumi suliassaqarnersut aamma piffissap suliassanut ataasiakkaanut imaluunniit allanngorarnerannut atorneqartussap sivisussusaa.
• Piffissat, suliaqarfiusussat sanaartortitsisup pisussaaffii pillugit nalunaarummi ilanngussaq 1 naapertorlugu immikkut ulorianaatillit pineqarput.

Sanaartortitsisup akisussaaffigaa, sanaartorfimmi isumaqatigiissutitigut atugassarititat apeqqutaatinnagit sulisitsisut tamaasa eqqarsaatigalugit iffissamut pilersaarummik suliaqarnissaq. Piffissamut pilersaarut ataqatigiissaarisup sanaartorfimmi isumannaallisaanermut aamma peqqissutsimut tunngasuni ataqatigiissaanissaanut, sulisitsisut suliamik pilersaarusiornissaannut aamma ataqatigiissaarinissaannut taamaalilluni illersorneqarsinnaasumik ingerlatsinissamut tunngaviuvoq.

Ataatsimut suliassaqarfinnik aamma ataatsimut isumannaallisaatik nalunaaqutsiineq

Sanaartorfimmi ataatsimut suliaqarfinni isumannaallisaanermut aamma peqqissutsimut pilersaarut takuneqarsinnaassaaq, suliffeqarfiit amerlasuut sumiiffigisagaanni aamma ataatsikkut suliaqarfianni. Ass. assaaneq, illup iluani suliaqarneq kiisalu stilladsini toqqavinni suliaqarfinniusinnaavoq.

Pilersaarummi aamma ataatsimut suliassanik allaqqasoqassaaq ass.:

• Majuartarfinni aamma betonkantini ungallut.
• Assakaasumi putunik qalliineq.
• Stilladsit, toqqavinni suliffiusut il.il. portusuumi sulinermi atortartut.
• Qilaalerinermi nakkartoqarsinnaaneranut isumannaarinninneq.
• Aqqutit nutaat, tassunga ilanngullugu illuni ataatsimut ingerlaarfiit, kiisalu eqqaaviit atortuusiviillu, ineqarfiit il.il.
• Ataatsimut eqqakkanik piiaaneq.
• Ataatsimut atortunik inissiiveqarneq.
• Ataatsimut eqqakkanut inissiiveqarneq.
• Ataatsimut ilorrisimaarnissamut iliuusissat.
• Ataatsimut sanaartorfinni ineqarfik.
• Sanaartorfimmi innaallagialersuineq aamma qulliit sumiissusersiutit.
• Ataatsimut suliaqarfinni torersuutitsineq.
• Ukiuunerani isumannaallisaaneq, tassunga lanngullugu ulissuineq aamma kiassarneq.
• Aputaajaaneq aamma siorarterineq.
• Sanaartorfiup killinani kiisalu sanaartorfiup ungalulersornerani allagartalersuineq.
• Aqqusinermi suliaqarnermi nalunaaqussersuineq.

Ataatsimut suliaqarfinnut aamma ataatsimut isumannaallisaatinut akisussaaffimmik agguataarinninnermut atatillugu pilersaarummi isumannaallisaaneq aamma peqqinnissaq allaqqassapput.

Isumannaallisaatit ataasiakkaat tamarmik pilersaarummi allassimassapput. Suliffeqarfiit sorliit sanaartortitsisumik imaluunniit suliffeqarfiit akornanni isumaqatigiissuteqarnikkut isumannaallisaatinik ataasiakkaanik pilersitsinissamut, aserfallatsaaliuinissamut aamma piiaanissamut akisussaasuunersut pilersaarummi aamma allaqqassapput.

Annertussuseq aamma angusinnaasaa, tassunga ilanngullugu piffissatigut annertussutsimut suliffeqarfiit ataasiakkaat akisussaaffiat pilersaarummi allaqqassaaq, ilanngullugu akisussaaffik pilersitsinermut, aserfallatsaaliuinermut amma isumannaallisaatinik piiaanermut imaluunniit suliap ilaanut tunnganersoq.

Suliffeqarfik sorleq ataatsimut isumannaallisaatinut ataasiakkaanut akisussaasuunersoq ersarissumik nassuiarneqarsimassaaq. Suliffeqarfiit amerlasuut ataatsimut isumannaallisaatinik piffimmi piffissamilu ataatsimi akisussaaffeqarsinnaanngillat. 

Suliat immikkut ulorianaatillit

Sanaartortitsisup akisussaaffigaa qulakkiissallugu, suliat immikkut ulorianaatillit sanaartortitsisut pisussaaffii pillugit nalunaarummi ilanngussaq 1-mi ilaasut piffissamut pilersaarummi immikkut allaqqassasut.

Suliat immikkut ulorianaatillit ukuupput:

• Suliat, sulisut appussaanissaannut, kivinissaannut imaluunniit suliatik nakkarnissaannut imaluunniit suliat suussusaa imaluunniit suliffiup sanaartorfiulluunniit avatangiisai pissutigalugit.
• Suliat, kemiskiusut imaluunniit stoffit uumasussillit atortullu sulisunut sunniuteqarsinnaasut, isumannaallisaanermut imaluunniit peqqissutsimut immikkut ulorianaateqarsinnaasut imaluunnit peqqissutsimut tunngatillugu nakkutilliineq pillugu inatsisitigut piumasaqaatilik.
• Suliat, qinngornernik peqqissutsikkut ulorianartunik sunniutillit.
• Innaallagissamut pilersuinermut aqqutinut qanittumik sulineq.
• Suliat, ipinissamut ulorianarsinnaasut.
• Itersaliani aamma sullorsuarni kiisalu nunap iluani sulineq.
• Aqqartartut atortuinik atuifiusuni erngup iluani sulineq kiisalu inini naqitsinermut illersukkani sulineq.
• Suliat qaartiterisunik atuiffiusut.
• Sanariikkanik immikkoortunik oqimaatsunik ikkussuineq isaterinerlu.

Isumannaallisaanermut aamma peqqissutsimut pilersaarutip suliat immikkut ulorianaatillit killissavaat aamma ataatsimut isumannaallisaatit nassuiarneqassapput, suliat immikkut ulorianaatillit illersorneqarsinnaasumik ingerlanneqarnissaat qulakkeerniarlugu aamma sanaartorfimmi suliffeqarfiit allat sulisui isumannaallisaanikkut- imaluunniit peqqissutsikkut aarlerinartunut sunnerniarnagit.

Pilersaarummi sulisut imminut isumannaallisaatinik atuinissaat pisariaqarpat aamma allaqqassaaq, pissutigalugu sulineq sanaartortitsisut pisussaaffii pillugit nalunaarummi ilanngussaq 1-mi ilaammat. Taassuma saniatigut aamma allaqqassaaq, ass. anersaartornermut illersuutit atorneqarnissaat pillugu allagartaq mianerinninnissamik peqqussutaasut sumi inissinneqassanersut aamma kina akisussaasuunersoq. 

Immikkut aarlerinaateqarsinnaasut

Isumannaallisaanermut aamma peqqissutsimut pilersaarut - atuutissaguni - suleriaatsinut aamma suliassaqarfinnut immikkut ulorianaateqarsinnaasunut ass. pujoralattumi sulinermi, nipituumi sulinermi, imminut isumannaallisaatinik atuiffiusariaqartuni killiliissaaq, taamaalilluni suliffeqarfinnit allanit sulisut suleriaatsinit taakkuninnga ajutuunnginnissaat imaluunniit peqqissutsimikkut aarlerinartorsiunnginnissaannut killilersimaarneqassammata. Ass. suliffeqarfiit allat suleriaasiannit nipimik akornusersorneqarnermit pisariaqanngitsumik sunnerneqarnissamut aarlerinaateqartoqarpat tamanna aamma atuuppoq.

Isumannaallisaatit tassaasinnaapput ass. suleriaatsit suleriaatsinit allanit immikkut ulorianaatilinnit immikkoortinneri. Tamanna ass. sulineq piffissatigut nikitsinneratigut, assiaqusersuinikkut, pujoralanut illersuutinik iikkanik pilersitsinikkut imaluunniit nipinut nipikillisaasersornikkut ingerlanneqarsinnaavoq.

Pisariaqartumik assiaqusersuineq, mattussineq kiisalu suliassaqarfinnik taakkuninnga isumannaallisaanikkut allagartalersuineq isumannaallisaanermut aamma peqqissutsimut pilersaarummi allaqqassaaq, tassunga ilanngullugu kina taakkununnga akisussaasuunersoq. Allagartaliissutit ass. inerteqqutit - ass. “Susassaqanngitsut iseqqusaanngillat” imaluunniit mianerinninnissamut allagartat “Qoqernaveequtit atorneqassapput” imaluuunniit “Anersaartornermut illersuutit atorneqassapput”. 

Ikkussukkanik, isumannaallisaatinik aamma immikkut ulorianaatilinnik ingerlaavartumik nakkutiginninnermut suleriuseq

Isumannaallisaanermut aamma peqqissutsimut pilersaarummi allaqqassaaq, ikkussukkanik, isumannaallisaatinik aamma immikkut ulorianaatilinnik ingerlaavartumik nakkutigineqartussanik peqarnersoq, nakkutiliinerup akulikissusaa kiisalu kina nakkutilliisuunersoq.

Ilaatigut sanaartorfimmi innaallagialersuineq, ikuallattunik qamisaanermi atortut, kivitsissutit, sanaartorfimmi elevatori aamma teknikikkut iluaqusersuutit nakkutigineqassapput. 

Upalungaarsimanermi-, qimarngussinermi-, aamma sungiusarluni pilersaarutinik kina nakkutiginninnersoq ataqatigiissaarinersorlu nalunaarsorlugit

Upalungaarsimanermut-, qimarngussinermut- aamma sungiusarnissamut pilersaarutit isumannaallisaanermut aamm peqqissutsimut pilersaarummi nassuiarneqarsimassapput, attuumassuteqarpata. Ilaatigut ingammik sulianut ulorianartunut atatillugu imaluunniit stoffinik peqqissutsimut ulorianartunik arlaatigut kuuttoqartillugu, ikuallattoqarnissaanut immikkut aarlerinartoqartillugu, qaartoornissamut, ajutoornissamut il.il. attuumassuteqarsinnaapput. Ilutigalugu kina pilersaarutinut taakkununnga assigiinngitsunut ingerlaaavartumik nakkutiginnissanersoq aamma katiterissanersoq allanneqassaaq.

3. Isumannaallisaanermut aamma peqqissutsimut pilersaarutip nutarternera

Sanaartortitsisup akisussaaffigaa isumannaallisaanermut aamma peqqissutsimut pilersaarutip sanaartornerup aallartinneranut atatillugu naleqqussarneqarnissaa, attuumassuteqarpat. Pilersaarut piffissami sanaartorfimmi sanaartornerup naammassiartornerani aamma sanaartorfimmi pissutsit allanngortillugit pisariaqartillugu ingerlaavartumik nutarterneqarnissaat.

Ilaatigut pilersaarut, isumaqatigiissutit ataatsimut suliaqarfinni isumannaallisaatit il.il. pilersinneqarnissaat, aamma suliffeqarfiit akunnerminni isumaqatigiissutaat allanngorpata sulisitsisut assigiinngitsut sanaartortitsisoq peqatigalugu isumaqatigiissutigisimasaannut attuumassuteqarpat nutartertariaqarsinnaavoq.

Isumannaallisaanermut aamma peqqissutsimut isumaqatigiissut pissutsinut atuuttunut, sanaartorfiup ilusaa pillugu isumaqatigiissutinut atuuttunut aamma isumaqatigiissutinut sanaartorfimmi ataatsimut isumannaallisaanermik pilersitsinermut atuuttunut naleqquttuassaaq naapertuuttassaaq.