Suliffeqarfiit qaqugukkut nakkutilliisumit orninneqassappat?

Suliffeqarfik orninneqarsinnaavoq, 

• Sullivinnik Nakkutilliisoqarfik sullivinni avatangiisit pillugit immikkut ittumik suliniuteqarnermik ingerlatsisillugu
• suliffeqarfimmi tunisassiorfeqarfimmik takuniaanissaq Sullivinnik Nakkutilliisoqarfimmit kissaatigineqartillugu
• suliffeqarfimmi pissutsit pillugu naammagittaalliuummik Sullivinnik Nakkutilliisoqarfimik tigusaqarsimatillugu
• nakkutilliisumit orninneqarnissaq pillugu suliffeqarfik qinnuiginnissimatillugu
• sulinermi ajutoortoqarsimatillugu.

Suliffeqarfiit Sullivinnik Nakkutilliisoqarfimmit immikkut eqqumaffigineqartut tassaapput:

• Suliffeqarfiit isumakuluutigineqartut. Tassa suliffeqarfiit ilaatigut naammagittaalliuutit, ajutoornerit suliamillu peqquteqartumik ajoquteqalersimanerit tunngavigalugit ajornartorsiuteqarfiusutut Sullivinnik Nakkutilliisoqarfimmit ilisimaarineqartut
• Suliassaqarfinni isumakulunnartortalinni suliffeqarfiit
• Suliffeqarfiit piffissami sivisuumi orninneqarsimanngitsut
• Suliffeqarfiit allanik peqquteqartumik immikkut ittumik eqqumaffigineqartariaqartut.