Spring over venstremenu

Suliassat annertuut aamma piffissakilliorneq

Ilitsersuut suliassat annertussusaannut aamma suliamut piffissakilliornermut tunngatillugu piumasaqaatinut atatillugu sulisitsisup pingaarnertut pisussaaffiinut aamma pitsaaliuinermi iliuutsinut attuumassutilinnut tunngavoq. AT ilitsersuut 4.1.1 ilitsersuut qallunaatuujuvoq, qallunaat sullivimmi avatangiisit pillugit inatsisaannut attuumassutilik. Qallunaatut ilitsersuutip imarisaa sullivimmi avatangiisit pitsaasuutinnissaannut oqariartuutaavoq, aamma Kalaallit Nunaanni sullivimmi avatangiisit pillugit inatsimmut malinninnissamut atatillugu.

1. Ilitsersuut pillugu

1.1. Ilitsersuut sunik imaqarpa?

AT-ilitsersuummi matumani illit sulisitsisutut suliassat annertuut aamma sulianut piffissakilliornermi artukkiisunik pitsaaliuinissamut pisussaaffitit pingaarnerit, aamma pisussaaffiit naammassiniarlugit qanoq iliorsinnaanerit nassuiarneqarput.

Suliamik pilersaarusiorneq, aaqqissuussineq aamma suliassanut annertuunut artukkiisunut piffissakilliorfiusunullu tunngatillugu isumannaallisaanikkut peqqissutsikkullu illersorneqarsinnaanerannik qulakkeerinnikkuit, ilitsersuummi nassuiaatitsinnit allaanerusumik pinaveersaartitsisinnaavutit.

1.2. Ilitsersuut kikkunnut atuuppa?

Ilitsersuummi matumani pingaartumik oqariartuuteqarfigineqartut tassaapput sulisitsisut, sullivimmi aqutsisut, sullivimmi avatangiisit pillugit aaqqissuussaq (AMO) kiisalu sulisut allat, suliffeqarfimmi sullivimmi avatangiisit pillugit suliaqartut. Suliffeqarfiup iluani sulisitsisoq taannaavoq pingaarnertut sullinneqartoq, pissutigalugu sulisitsisoq taannaagami inatsisit malillugit sulinerup isumannaatsumik aamma peqqissutsikkut illersorneqarsinnaasumik ingerlanneqarnissaanut qulakkeerinnissalluni pisussaasoq.

Suliassat annertuut aamma sulianut piffissakilliornerit timikkut tarnikkullu artukkiisut suliffeqarfinni suliassaqarfinnilu tamani pisinnaapput. Taamaattumik una ilitsersuut suliffeqarfinnut tamanut naleqquppoq.

Suliffeqarfimmi sulisut tamarmik atorfeqarnermi atukkat aamma sivisussusaa apeqqutaatinnagu suliat annertuut aamma piffissakilliorfiusut timikkut tarnikkullu artukkiisut pillugit malittarisassami ilaapput. Taamaalilluni malittarisassat aamma ass. suliniummi sulisorineqartunut, taartaasunut, ilinniartunut aamma namminersortunut suliffeqarfimmut attuumassutilinnut atuupput.

Eqqumaffigiuk sulisut aqutsisui aamma taaguummut “sulisut”-nut ilaammata. Sulisut aqutsisui marloqiusamik atuuffeqarput. Aqutsisarput aamma sulisitsisoq sinnerlugu suliamik nakkutilliisarput peqatigisaanillu nammineerlutik sulisuupput.

1.3. Ilitsersuinermi pinaveersaartitsinermut periuseq

Sullivimmi avatangiisini ajornartorsiutit pitsaaliorniarlugit sulinermi tunngaviit ilitsersuummi tunngavigineqartarput.

a) Sulisitsisut, sulisut aqutsisui sulisullu sinnerisa pisussaaffii aamma atuuffii

Sulisitsisutut inatsit malillugu sulinerup tamakkiisumik illersorneqarsinnaasumik isumannaatsuunissaa aamma peqqinnartuunissaa qulakkiissallugu akisussaaffigaat.

Sullivinnik Nakkutilliisut ilitsersuutaasa suliassaqarfimmi aalajangersimasumi sulisitsisutut pisussaaffiit qanoq imaqarnersoq nassuiarneqarpoq.

Sulisunik aqutsisut aamma sulisut allat assigiinngitsunik pisussaaffeqarput atuuffeqarlutillu. Nalinginnaasumik pisussaaffiit aamma suliat pineqarput, aamma taamaattumik taakkua ilitsersuummi nassuiarneqarput, kisianni at.dk-mi pisussaaffiit pillugit paasisaqarnerusinnaavutit.

Sullivinni avatangiisit pillugit inatsit malillugu pisussaaffiit - Danskisut

b) Sullivinni avatangiisit pillugit suleqatigiinneq

Sullivinni avatangiisit pillugit inatsimmi illit sulisitsisutut sullivinni avatangiisit pillugit sulineq aamma sullivimmi avatangiisini ajornartorsiutaasartut pillugit pinaveersaartitsineq pillugu sulisunik aqutsisut aamma sulisut allat suleqatigissagitit piumasaqaataavoq. Suliffeqarfimmi sulisut 10-uppata imaluunniit amerlaneruppataAMO-mi suleqatigiinneq ingerlanneqassaaq. Sulisut sorliit ilanngunneqassanersut malittarisassani maluginiakkit aamma sulisut 10-uppata malittarisassanit ilanngunneqassanngillat. Suliffeqarfiit ilaanni ass. kommunini aamma immikkoortuni MED-systemimik atuiffiusumi sullivinni

AMO-mi sullivinni avatangiisit pillugit sulinermi assigiinngitsunik suliassaqarput. AMO-mi suliassat pillugit at.dk/amo-mi paasisaqarnerugit.

Sullivimmi avatangiisit pillugit aaqqissuussaaneq - Danskisut

c) Pinaveersaartitsinermut tunngaviit

Suliassanik annertuunik aamma piffissakilliorfiusunik artukkiisunik pinaveersaartitsineq pinaveersaartitsinermut tunngaviit inatsisinit aalajangersakkat eqqarsaatigalugit pissaaq.

Pinaveersaartitsinermut tunngavinnut pinaveersaartitsinerup sunniuteqarluarnissaata qulakkeerneqarnissaa siunertaavoq.

Pinaveersaartitsinermut tunngaviit malillugit illit sulititsisutut suliassat annertuut aamma piffissakilliorfiusut artukkiisut, sulisut isumannaatsuunerannut imaluunniit peqqissusaannut aarlerinarsinnaasut sapinngisamik pinaveersaartissavatit. Suliassat annertuppata aamma piffissakilliortoqarpat, suliassat annertuut aamma piffissakilliorneq qulaajarlugulu nalilersussavat kiisalu sulisut isumannaatsuunerannut peqqissusaannullu aarlerinartoq pinaveersaartillugu. Sulinermi suliassanut annertuunut aamma piffissakilliornermut pissutaasunut pinaveersaartitsineq sammitinneqassaaq. Iliuusissat sorliit pisariaqartinneqarnersut aamma suliffeqarfimmi qanoq aallartisarneqassanersut pissutaasut takussutissiisinnaapput. Pitsaaliuineq aamma aarlerinartut sulisut tamarmik aamma sulisut ataasiakkaaginnanngitsut illersorneqassapput.

Sullivimmi tarnikkut avatangiisit pillugit nalunaarummi ilanngussaq 1-mi pitsaaliuinermut tunngaviitat.dk/forebyggelsesprincipper-mi nassaarikkit.

d) Pinaveersaartitsineq ingerlaavartumik periusiuvoq

Illit sulisitsisutut suliffeqarfimmi annertuumik suliassaqarnersoq aamma piffissakilliortoqarnersoq ingerlaavartumik qulaajaasarnissat pingaaruteqarpoq, sulinerup qaqugukkulluunniit tamakkiisumik illersorneqarsinnaasumik isumannaatsuunissaanut peqqinnarnissaanullu qulakkeerinninnissamut pisussaaffeqaravit. Suliassanik annertuunik aamma piffissakilliornernik peqarpat sulisut isumannaatsuunissaannut aamma peqqissusaannut aarlerinartorsiorneq sunniuteqartumik pinaveersaartinneqarsimanersoq nalilissavat, pisariaqarpallu suliniutinik

Periutsit inatsisitigut sullivinnik nalilersuilluni (APV) sulinermi atorneqartartut pinaveersaartitsinermik suliaqarlutit malissinnaavatit. at.dk/apv-mi paasisaqarnerugit.

Sullivinnik nalilersuineq - APV - Danskisut

Takussutissiaq 1 - Suliassanik annertuunik piffissakilliornermillu qulaajaaneq - Sulisut isumannaatsuunissaannut aamma peqqissuunissaannut aarlerinartoq nalilersoruk - Sulisut isumannaatsuunissaannut aamma peqqissusaannut aarlerinartut pinaveersaartikkit - Sulinerup ingerlanneqarneranut sunniuteqarluartumik nakkutilliineq ingerlaguk.

Takussutissiaq 1 - Suliassanik annertuunik piffissakilliornermillu qulaajaaneq - Sulisut isumannaatsuunissaannut aamma peqqissuunissaannut aarlerinartoq nalilersoruk - Sulisut isumannaatsuunissaannut aamma peqqissusaannut aarlerinartut pinaveersaartikkit - Sulinerup ingerlanneqarneranut sunniuteqarluartumik nakkutilliineq ingerlaguk.

Paragraffit pingaarnerpaat

Isumannaallisaaneq aamma peqqissuseq pillugit suleqatigiinneq - Nalunaarut 1181- 2010 - kingusinnerusukkut allannguutilik - § 2 - Atorunnaarpoq. Uannga taarserneqarpoq:

Aaqqissuussaasumik sullivinni avatangiisit pillugit suliaqarneq - Nalunaarut 65 - 2024Tarnikkut sullivimmi avatangiisit - Nalunaarut 1406 - 2020 - § 6 aamma ilanngussaq 1Suliap ingerlarnga - Nalunaarut 1839 - 2023 - § 6 a - c

2. Nassuiaat, kingunissai aamma sulinerup illersorneqarsinnaanissaa qulakkeerniarlugu pisussaaffeqarneq

2.1. Suliassat annertuut aamma piffissakilliorneq suuppat?

Sullivimmi tarnikkut atukkat pillugit nalunaarummi suliassat annertuut aamma piffissakilliorneq suliassap aamma suliap ingerlanneqarnissaanut piffissaliunneqartup akornanni oqimaaqatigiinngitsoqarneranik nassuiarneqarpoq. Suliassat annertussappata aamma piffissakilliortoqassappat, oqimaaqatigiinngitsoqarnera sulisut ima sulinerannik kinguneqartariaqarpoq

sakkortooq, ass. sakkortuumik imaluunniit qasuersaarnissamut unikkallarnertaqanngitsumik, imaluunniit

akunnerit amerlasuut, qasuersaarnissamut periarfissanut sunniuteqarsinnaasut.

Suliffeqarfimmi suliassat annertutillugit aamma piffissakilliortoqartillugu, sulisunik suleruluttoqarneranik imaluunniit suliassatik angumeriniarlugit akunnerni amerlasuuni sulisoqartarneranik isumaqarpoq.

2.2. Sulisut isumannaatsuunissaannut peqqissusaannullu kingunerluutit

Suliassat annertuut aamma piffissakilliorneq sulisut isumannaatsuunissaannut aamma peqqissuunissaannut aarlerinaateqarsinnaavoq. Pingaartumik suliassat annertuut aamma piffissakilliorneq piffissami sivisuumi atuussimappata tamanna atuuppoq.

Suliassat annertuut aamma piffissakilliorneq ass. sininniarnermik ajornartorsiuteqarnermut, aallussisinnaannginnermut, sivisuumik uippakajaarnermut, siooranermut, nanertisimanermut aamma uummatikkut taqqatigullu nappaatinut aarlerinartorsiornerit annertusisinnaavaat.

Aamma sulilluni ajutoornissamut aarlerinartorsiornernik annertunerulersitsisinnaapput. Ass. tassaasinnaapput nakkarnerit aamma orlulluni ajutoornerit, aqqusinermi angallannermi ajutoornerit, sakkunik aamma maskiinanik ajutoornerit imaluunniit ass. innuttaasunit aamma atuisunit nakuuserfigineqarnerit.

2.3. Isumannaallisaanermut aamma peqqinnissamut aarlerinaatit pinaveersaartinneqassapput

Sulisitsisutut suni tamani sulinerup pilersaarusiorneqarnissaa, aaqqissuunneqarnissaa siunissami qanittumi aamma ungasissumi suliassanut annertuunut aamma piffissakilliornermut atatillugu isumannaatsumik aamma peqqinnartumik tamakkiisumik illersorneqarsinnaasumik ingerlanneqarnissaanut qulakkeerinninnissamut pisussaaffeqarputit.

Suliassat annertuut aamma piffissakilliornerup sulisut isumannaatsuunerannik imaluunniit peqqissusaannik, piffissami qaninnerusumi ungasinnerusumiluunniit ajorseriartissanngikkai, tamanna isumaqarpoq. Suliassat annertuut aamma piffissakilliorneq pissutigalugit, sulisut napparsimalinnginnissaat imaluunniit ajoqusinnginnissaat pillugu suliniutinik sunniuteqarluartunik aallartitsinissannik tamanna aamma isumaqarpoq.

Paragraffit pingaarnerpaat

Sullivimmi tarnikkut avatangiisit - Nalunaarut 1406 - 2020 - kingusinnerusukkut allanngortinneqartoq - §§ 13 aamma 14

3. Suliat annertuut aamma suliamut piffissakilliorneq qulaajakkit nalilersorlugillu

Takussutissiaq 2 - Suliassanik annertuunik aamma piffissakilliornermik qulaajaagit.

Takussutissiaq 2 - Suliassanik annertuunik aamma piffissakilliornermik qulaajaagit.

Sulisitsisutut suliffeqarfimmi annertuunik suliassaqartoqarnersoq aamma piffissakilliortoqarnersoq ataavartumik qulaajaasussaavutit. Annertuunik suliassaqartoqarlunilu piffissakilliortoqarpat, sulisut isumannaatsuunerannut aamma peqqissusaannut aarlerinartunut sunniuteqarluartumik pinaveersaartitsisoqarnersoq naliliiffigissavat.

Suliami tassani sulisut peqataatinneqarnissaat attuumassuteqarpoq, misigisaat aamma misilittagaat suliffeqarfimmi suliassat annertuut aamma piffissakilliorneq pillugit ilisimasanik pissarsinissamut pingaaruteqarmata.

Qulaajaaneq aamma naliliineq ulluinnarni suliap naammassinissaa pillugu suleqatigiinnermut ilaasinnaavoq aamma sullivimmi tarnikkut avatangiisinik annertunerusumik misissuinermut ilaasinnaalluni. Tamanna ass. APV-mut ilaasinnaavoq.

3.1. Suliat annertuut aamma suliamut piffissakilliorneq qanoq qulaajassavigit?

Sulisitsisutut sulisunik suleruluttoqarnersoq imaluunniit suliaminnik angumersiniarlutik akunnerpassuarni sulisoqartarnersoq paasiniaallutit aallartissinnaavutit.

Sulerulunneq timikkut aamma tarnikkut sakkortuujusinnaavoq. Sulerulunneq ima saqqummersinnaavoqsukkasuumik sulineq, ass. sulisut suliassamit suliassamut nukinginnartumik pisut, piffissat killiliussat sukangasut aamma suliassat nukinginnartut, sulisut piareersarnissaminnut piffissaqanngitsut ass. ataatsimiinnernut imaluunniit ilinniartitsinernut, imaluunniit sulisut suliassanik ataatsikkut suliaqartariaqartut.

Sulineq aamma tarnikkut sakkortusinnaavoq, ass. annertuumik maluginiarneqarnissaat aamma eqqarsaatigilluarnissaa, qanilaarfiungaatsiarnissaa pisariaqarpata, imaluunniit suliassat nalunarpata imaluunniit pisariuppata.

Akunnerni amerlasuuni sulisarneq ullut suliffiusut takikkajunnerisigut, imaluunniit nalinginnaasumik suliffiusup isumaqatigiissutigineqartulluunniit avataatigut sulikkajuttoqarneratigut saqqummersinnaasarpoq. Aammattaaq sulinngiffiusut ilanngunneqakkajunnerisigut imaluunniit qaangiuttoornerit annertunerisigut saqqummersinnaasarpoq.

Sulisuni ataasiakkaani, suleqatigiinni ataasiakkaani imaluunniit suliffeqarfiit immikkoortortaqarfiini imaluunniit suliffeqarfimmi tamarmi siammasissumik suliassanik annertuut aamma piffissakilliorneq pisinnaasarput.

Suliassat annertuut aamma piffissakilliornerup takussutissartaat

Suliassanut annertuunut aamma piffissakilliornermut pissutsit takussutissat arlaliupput. Ulluinnarni sulinermi suliassat annertuut aamma piffissakilliorneq maluginiassallugit iluaqutaasinnaavoq. Pissutsit ataani allassimasut pisimappata, suliassanut annertuunut aamma piffissakilliornermut takussutissaanersut, imaluunniit allamut tunnganersut paasiniassallugu pingaaruteqarpoq.

  • Suliassat pingaarutillit suliarineqanngippata.
  • Piffissat killigititat pingaarutillit malinneqanngippata.
  • Kiffartuussinermut imaluunniit pitsaassutsip qaffasissusai aalajangersakkat malinneqanngippata.
  • Sulinermi kukkusoqarpat.
  • Aqutsisunit imaluunniit suleqatinit suliat suliarineqartut isornartorsiorneqarpata.
  • Suliffeqarfiup iluani aaqqiagiinngitsoqarpat imaluunniit suleqatigiinnermi aaqqiagiinngitsoqarpat.
  • Suliat suliarineqartut pillugit innuttaasunit, ilaqutaasunit, atuisunit imaluunniit suleqatigisanit isornartorsiuisoqarlunilu maalaaruteqartoqarpat.
  • Innuttaasunut, ilaqutaasunut, atuisunut imaluunniit suleqatigisanut saqitsaattoqarpat.
  • Sulisut ilaat piffissap ilaani unillatsiarnissamut piffissaqartanngippata.
  • Sulisut ilaat piffissap ilaani akunnerni amerlasuuni sulisarpata.
  • Sulinermi ajutoortoqartarpat- imaluunniit ajutuungajattoqartarpat.
  • Sulisut napparsimallutik sulinngitsoortarnerat imaluunniit taarseraannerat annertuppat.

Sulisunut ataasiakkaanut suliassat annertunerannut piffissakilliornerannullu makku takussutissaasinnaapput:

  • Aallussisinnaannginneq.
  • Eqqaamanninniarnermik ajornartorsiorneq.
  • Ataatsimut takunnissinnaannginneq.
  • Qiimannginneq aamma uumigisaqarnerulerneq.
  • Suliatigut naammaginartoqannginneranik misigineq.
  • Ataatsimoornernit immikkooqqajaaneq.
  • Suliffiup avataani sammisaqarnissamut nukissaqannginneq.
  • Sulinerup avataani sulineq pillugu eqqarsaatit alaruminaatsinneri.
  • Sininniarnikkut ajornartorsiuteqarneq.

3.2. Isumaannaatsuutitsinissamut aamma peqqissutsimut aarlerinartut pitsaasumik pinaveersaartinneqarnersut qanoq naliliisinnaavit?

Suliffeqarfimmi suliassat annertuppata aamma piffissakilliortoqarpat, sulisuit isumannaatsuunissaannut aamma peqqissuunissaannut aarlerinartut sunniuteqarluartumik pinaveersaartissimanerlugit sulisitsisutut illit nalilissavat. Aarlerinaatit sunniuteqarluartumik pinaveersaartinneqarpata, ass. suliassanik ataatsikkut sukkasuumik imaluunniit amerlasuunik piffissamut killiliussaqartunik sulisunut ineriartuutaallunilu kajumissuseqalersitsisinnaavoq.

Suliap suliarineqartussap aamma suliassap suliarinissaanut piffissarititaasup akornanni naligiinngitsoqartillugu, pisumik ataatsimik imaluunniit arlalinnik pisunik pingasunik tulliuttunik kinguneqarpata, aarlerinaat sunniuteqarluartumik pinaveersaartinneqarsimanngilaq:

Pisoq 1

Piffissami sivisunerusumi sulisut suliaminnik angumersiniarlutik, sulerulullutik sulinerup nalaani qasuersaarnissamut sulisut piffissaqanngippata.

Illit sulisitsisutut sulerulunnerup ullup ingerlanerani aamma sapaatip-akunnerata ingerlaneranut qanoq initutiginera, aamma qanoq sivisutigisumik ingerlasimanera paasiniassavat. Tamatuma kingorna sulisut ullup ingerlanerani qasuersaarnissamut naammattumik periarfissaqarnersut nalilissavat. Tamanna unillatsiarnernik aamma sulinermi suliassat sakkortuut aamma sakkukinnerusut akornanni nikerartitsinikkut pisinnaavoq.

Pisoq 2

Piffissami sivisunerusumi sulisut suliaminnik angumersiniarlutik akunnerni amerlasuuni sulerulullutik ullut suliffiusut akornanni qasuersaarnissamut sulisut piffissaqanngippata.

Illit sulisitsisutut ullup ingerlanerani aamma sapaatip-akunnerata ingerlaneranut qanoq initutiginera, aamma qanoq sivisutigisumik ingerlasimanera paasiniassavat. Tamatuma saniatigut akunnerit suliffiusut amerlasuut ullut suliffiusut akornanni qasuersaarnissamut periarfissaqartitsinersut nalilissavat.

Pisoq 3

Sulisut naammaginartuimk qasuersaarnissamut periarfissaqaratik imaluunniit ima sukkatigisumik sulippata, sulinermi ajutoornermik kinguneqarsinnaappata.

Suliassat annertuut aamma piffissakilliorneq peqqutigalugit sulilluni ajutoornissamut aarlerinaatit nalilersussavatit. Sulisut sukkasuumik sulinerat pissutigalugu, aamma sulisut naammaginanngitsumik qasuersaartarneq pissutigalugu qasugamik ajutoornissamut aarlerinartoqarsinnaavoq. Aarlerinaat ass. pisussat ulorianarsinnaasut arajutsineqarneranni, imaluunniit sulilluni ajutoornerit pinaveersaartinnissaannut sulisut iliuusissat pingaarutillit atornissaannut piffissaqannginnerat pissutigalugit pisinnaavoq.

Sulisut pisuni taakkunani ataatsimi imaluunniit arlalinni pingasuusuni inissisimalinnginnissaat pinaveersaartitsinerup qulakkeerneraa naliliininni qitiussaaq.

Qasuersaarneq sunaana aamma sooq pingaaruteqarpa?

Sulisut qasuersaarneq nukissaminnik katersiffigisarpaat, timikkut aamma tarnikkut.

Qasuersaarneq unikkallartarnermut aamma timikkut tarnikkullu ullup suliffiusup ingerlanerani aamma ullut suliffiusut akornanni eqqissisimaarnermut tunngavoq. Qasuersaarneq aamma sulinerup pilersaarusiorneqarneranut aaqqissuunneqarneranullu tunngavoq, taamaalilluni suliat sakkortuut aamma sakkukinnerusut akornanni nikerartitsinissamut periarfissaqartarmat.

Inuit aalaannavittussatut pilersitaanngillat. Aalanerup aamma eqqissisimaarnerup akornanni nikerartitsinissamik pisariaqartitsisarpugut. Aalaannavinneq peqqissutsimut angusanik saqqummiussisinnaassutsimut aamma sulianik suliarinninnermi pitsaassutsimik tunniussinissamut sunniuteqartarpoq.

Sulisut suliffimmi avataanilu qasuersaarnerat, suliassat annertuut aamma piffissakilliornerup sulisut isumannaatsuunerannut imaluunniit peqqissusaannut aarlerinaatinik nassataqartarpoq.

Qasuersaarneq naammaginartoq, suliap qanoq ittuuneranik, aamma sulisut ataasiakkaat sunik pisariaqartitsinerannik aalajangerneqartarpoq.

Sunniutit isumannaatsuunissamut imaluunniit peqqissutsimut aarlerinartumut annertusaataasinnaasut

Annertuunik suliaqarnermi aamma piffissakilliornermi aarlerinartunik annertusaataasinnaasunik, sullivimmi avatangiisini sunniuteqartoqarnersoq sulisitsisutut illit nalilissavat. Sulisut sunik suliaqarnerinut sunniutit annertuumik apeqqutaasarput. Sullivimmi avatangiisini timikkut sunniutaasinnaapput, ass. nipiliorneq, aamma sullivimmi tarnikkut avatangiisini sunniutit. Ass. makkununnga tunngasinnaapput maluginiagaqarnissamut aamma eqqarsarluarnissamut piumasaqaatit qaffasissut, suliat nalunartuunerat, inunnut allanut imaluunniit nalilinnut akisussaaffik annertooq, inunnik sullissinermi misigissutsitigut piumasaqaatit qaffasissut imaluunniit sulinermi piumasaqaatit ersarinngitsut aamma akerleriittut.

Sulisut annertuumik maluginiagaqarlutik aamma eqqarsaqqissaarlutik sulissappata, sulianut annertuunut aamma piffissakilliornermut aarlerinaatinik ass. annertunerulersitsisinnaapput. Sulisut avatangiisini nipitoorujussuarni, eqqarsaqqissaarniarnermik ajornakusoortitsisumi, imaluunniit kukkunerit inunnut allanut imaluunniit nalilinnut annertuumik kinguneqartitsisinnaasumik suliffeqarunik aarlerinaataasoq suli annertunerulersinnaavoq.

Sulisut aamma inunnik sullissinerminni misigissutsitigut qaffasissunik piumasaqarfigineqarpata, annertuumik suliassaqarneq aamma piffissakilliorneq artukkiinerulersitsisinnaapput. Suliat taamaattut inunnik sullinneqartunik attaveqarnermi qanilaarnissamik aamma najuunnissamik piumasaqaatitaqarput.

Sulisut pisariaqartitaannik eqqarsaatiginninneq

Sulisut annertuumik suliaqarnerminni aamma piffissakilliornerminni isumannaatsuunissaannut peqqissuunissaannullu sunniuteqarluartumik pinaveersaartinneqarnersoq, sulisitsisutut nalilersorukku, sulisut ataasiakkaat illersorneqarsinnaasumik suliaminnik suliaqarsinnaanermut pisariaqartitaat immikkut eqqarsaatigineqarnissaannut pisariaqartitsisoqarnersoq nalilersortuassavat. Sulisup ukiuinut, ilisimasaanut imaluunniit sulisinnaassusaanut tunngasinnaavoq. Tassani ass. inuusuttut aamma sulisut nutaat sulinerup tungaatigut misilittagaqarpallaanngippata pingaartumik eqqarsaatigineqassapput. Sulisut timimikkut imaluunniit tarnikkut piginnaanikillisimasut pisariaqartitaat aamma eqqarsaatigineqassaaq.

Eqimattat immikkut aarlerinartorsiorsinnaasut illersorneqarnerat

Sulisunik suliassanut annertuunut aamma piffissakilliornermut aarlerinartunut immikkut illersortariaqartunik peqarnersoq nalilersussavat, taakkununnga aarlerinartoq immikkut ilungersunartuunera pissutigalugu. Ass. naartusunut sakkortuumik sulinermut imaluunniit ullunut suliffiusunut sivisuunut immikkut malussarissinnaasunut tunngasinnaavoq.

Paragraffit pingaarnerpaat

Sullivimmi tarnikkut avatangiisit - Nalunaarut 1406 - 2020 - kingusinnerusukkut allanngortinneqartoq - §§ 8, 13, 14 aamma 15

4. Sulisut isumannaatsuunissaannut aamma peqqissusaannullu aarlerinartumik pitsaaliuineq

Takussutissiaq 3 - Sulisut isumannaatsuunissaannut aamma peqqissusaannut aarlerinartunik pitsaaliuineq.

Takussutissiaq 3 - Sulisut isumannaatsuunissaannut aamma peqqissusaannut aarlerinartunik pitsaaliuineq.

Sulineq suliassanut annertuunut aamma piffissakilliornermut tunngatillugu isumannaatsuunissamut peqqissuunissamullu illersorneqarsinnaanissaa pisariaqartillugu, iliuutsinik pinaveersaartitsisunik aallartitsinissamut sulisitsisutut pisussaaffeqarputit. Iliuutsit sunniuteqarluartuussapput, sulisut taamaalillutik suliassat annertunerat aamma piffissakilliorneq pissutigalugit napparsimalissanngimmata imaluunniit ajoqusissanngimmata.

Sulisutit aamma AMO suleqatigalugit pitsaaliuilluni iliuutsit pilersaarusiussavatit aamma aallartissavatit. Kingullertut taaneqartoq taamaallaat suliffeqarfinni qulinik amerlanernilluunniit sulisulinni atuuppoq.

Suliffeqarfimmi suliassanut annertuunut aamma piffissakilliornermut aarlerinartunik pinaveersaartitsinissamut suliatigut ilisimasat pisariallit pigineqanngippata, illit sulisitsisutut avataaneersunit ilisimasalinnit ikiortissarsiussaatit suliap tamakkiisumik illersorneqarsinnaasumik ingerlanneqarnissaa qulakkeerniarlugu.

4.1. Pinaveersaartitsinermi iliuusissat pingaarnerpaat

Illit sulisitsisutut suliassani annertuuni aamma piffissakilliornermi aarlerinartut pinaveersaartinniarlugit iliuusissat tulliuttut ukkatarinissaat naleqquppoq:

Sulinermik pilersaarusiorneq aamma aaqqissuussineq, taamaalilluni sulineq illersorneqarsinnaassammat.

Naammattumik naapertuuttumillu ilinniartitsineq aamma suliap ingerlannissaanut ilitsersorneqarneq.

Aqutsisunit aamma suleqatinit suliami tapersersorneqarneq.

Sulianut ingerlanneqartussanut atatillugu suliani sunniuteqarsinnaaneq.

Sulisut pisariaqartitaannik eqqarsaatiginninneq.

Eqimattat immikkut aarlerinartorsiorsinnaasut illersorneqarnerat.

4.2. Suliap pilersaarusiornera aamma aaqqissuunnera, taamaalilluni sulineq illersorneqarsinnaassammat

Sulisitsisutut sulineq pilersaarusiussallugu aamma aaqqissuutissallugu pisussaaffeqarputit, taamaalilluni suliassanut annertuunut piffissakilliornermullu atatillugu isumannaatsuunikkut aamma peqqissutsikkut tamakkiisumik illersorneqarsinnaassammat.

Suliassat annertuut aamma piffissakilliornerup aarlerinartortaannik pinaveersaartitsinerup iluatsinnissaanut sulinerup pilersaarusiornissaa aamma aaqqissornissaa aalajangiisuulluinnarput. Sulisutit suleqatigalugit sulinermik qanoq pilersaarusiorsinnaanermut aamma aaqqissuussisinnaanermut ataani assersuusiortoqarpoq.

  • Sulinermut anguniakkanik, sinaakkutinik aamma najoqqutassanik ersarissunik aalajangersaasinnaavutit, taamaalillusi suliassassinnut aamma suliat aaqqiissuteqarfiginissaannut ataatsimut paasinnissagassi.
  • Akisussaaffiit aamma suleriaasissanik ersarissunik pilersitsisinnaavusi, ass. suliaqartut eqimattat, atorfiit, suleqatigiit aamma immikkoortortaqarfiit akornanni.
  • Ass. suliassanik imaluunniit piffissanik killiliussanik kinguartinneqarsinnaasunut imaluunniit salliutinneqartussaanngitsunut isummernikkut suliassanik pingaarnersiuisinnaavutit.
  • Suliassat annertussusaannut aamma suliat sakkortussusaannut tunngatillugu sulisut ilaat artukkerneqarneruppata, sulisut akornanni suliassat agguataarneqarnerannik allanngortitsisinnaavusi.
  • Pilersaarusioruminarsaasinnaavusi, sulisut taamaalillutik suliaminnik pilersaarusiorluarsinnaassammata, ass. suliassat nutaat aamma sulinermut pilersaarutit allanngorneri siusinaarluni nalunaarutiginerisigut.
  • Suliffeqarfiup iluani kiffartuussinermut imaluunniit pitsaassusissamik naatsorsuutigineqartut naleqqussarsinnaavasi, taamaalilluni kikkut tamarmik sullissinernik, kiffartuussinernik imaluunniit nioqqutissanik sorlernik tunniussaqarnissartik ilisimassammassuk.
  • Aqutsisut innuttaasunut, ilaqutaasunut, atuisunut aamma suleqatigisartakkanut naatsorsuutigisat naleqqussarsinnaavaat, taamaalillutik sullissinermik sorlermik, kiffartuussinermik sorlermik imaluunniit nioqqutissamik sorlermik naatsorsuuteqarsinnaanertik ilisimassammassuk.
  • Inissisimanerit pillugit ass. sulinngitsoortoqartillugu, piffissami killilimmi tamakkiisumik artukkiisoqartillugu imaluunniit pinartoqartillugu, periusissat ersarissuunissaat isumagisinnaavarsi.
  • Aaqqissuusseqqinnerit aamma allanngortitsinerit ingerlatsillugit imaluunniit teknologimik nutaamik atulersitsinissinni, ulluinnarni sulineq qanoq pilersaarusiorneqarlunilu aaqqissorneqassanersoq aalajangiiffigisinnaavarsi.
  • Tunisassiornermut atortut, it-mut atortut aamma atortut allat sulisut atugassaat, suliaqarnissamut ikorfartuutaanissaat isumagisinnaavarsi.
  • Unillatsiarnermi kulturi pitsaasoq, ullup ingerlanerani qasuersaarnissamut periarfissiisoq tapersersorsinnaavarsi.
  • Piffissap suliffiusup avataatigut suliffik pillugu qanoq aamma piffissap qanoq ilinerani attaveqatigiissinnaanersi pillugu erseqqissaasinnaavusi, assersuutigalugu erseqqissunik najoqqutassiornikkut.

Eqqaamajuk, pilersaarutigineqartunik suliniutinik atuutsilersitsinerup malinnaaffiginissaa.

Assersuut: Naatsorsuutigisanik naleqqussaaneq sulianut annertuunut aamma piffissakilliornermut isumaginninnissamut atortorineqalerpoq

Annertuumik suliaqarneq aamma piffissakilliorneq isumaginiarlugit, suliffimmi kiffartuussinissamut aamma pitsaassusissamik pilersitsinissamik ukkataqartoqarpoq. Atuisui suliffimmut aamma sullissineranut qaffasissorujussuarnik aamma assigiinngitsorujussuarnik naatsorsuuteqartut misigisimapput. Taamaattumik aqutsisut kiffartuussinerup aamma pitsaassusaanut sulisunut naleqqussaapput, peqatigisaanillu atuisuminnut ersarissumik tamanna nalunaarutigaat. Aqutsisut aamma sulisut akornanni ataavartumik ataatsimeeqatigiittoqarpoq, tassani suliassat qanoq suliarineqarnissaannut piumasaqaatit aamma naatsorsuutigineqartut oqaluuserineqarput.

Suliffeqarfiup iluani aamma atuisunut tunngatillugu sullissinernut assigiimmik

Assersuut: Sivisuumik napparsimalluni nalunaaruteqartoqarnera suliassat pingaarnersiorneqarnerinik kinguneqarpoq

Suleqatigiinni amerlanngitsuni sulisoq sivisuumik napparsimanermik nalunaaruteqarpoq. Taanna ilaatigut suliamut angisuumut, qaammatit pingasut qaangiunneranni tunniunneqartussamut akisussaasuuvoq.
Suleqataata suliassamut annertuumut akisussaaffik tigussagaa, aqutsisut aalajangerput. Suleqataata suliassaq tigorusuppaa, kisianni taanna suliarisami saniatigut suliassaq annertoorujussuuvoq. Tamatuma peqatigisaanik suleqatigiinni suleqataasut allat sunnerneqartussaapput, suliassat nutaat imaluunniit suleqatit allat tapersersoqatigalugillu ikiorsinnaannginnamigit. Tamatuma saniatigut suleqataasup napparsimasup suliaasa sinneri suliarineqartussaapput.
Aqutsisoq suleqatigiit peqatigalugit suliassat pingaarnersiorneqarnerannik suliaqarpoq. Maannakkorpiaq suut suliarineqassappat, suliap annertuup tunniunneqarnissaannut suut utaqqisinnaappat, aamma suleqataasup napparsimasup uternissaata tungaanut suut utaqqisinnaappat? Aqutsisup suleqatigiinni suliassat aamma isumalluutit taakku kvartalimi tulliuttumi sapaatip-akunnera allortarlugu ataatsimiittarnerannut peqataanikkut malinnaavigissagai isumaqatigiissutigaat. Aammattaaq suleqataasoq suliassamik annertuumik tigusaqarsimasoq aqutsisup immikkut maluginiassavaa.

Assersuut: Oqaloqatigiinneq unikkallartarnermi kulturimik pitsaanerulersitsivoq

Sullivimmi avatangiisinik suliaqartut suliffimminni qasuersaarneq aamma unillatsiartarneq ukkataraat. Sullivimmi avatangiisinik suliaqartut unikkallartarnermi kulturi pillugu BFA Velfærd og Offentlig administrationip oqaloqatigiinnermut kortiutaat atorpaat. Kortit oqaloqatigiinnermik pitsaasumik aallartitsinissamut aamma misilittakkanik avitseqatigiinnermut iluaqutaapput. Sumiiffimmi ataatsimiinnermi atorneqarput, tassani sulisut ilaatigut unillatsiarnerit suliap ingerlannissaanut soorliit pingaaruteqarnersut oqaluuseraat.

Suliassaqarfimmit isumaginnittut isumassarsiat immikkut sulllivimmi avatangiisinik suliaqartunut ingerlateqqippaat, malitseqartitsinissamut akisussaasuusunut.

Unillatsiartarnernik suliaqarnerup unillatsiarnerit sorliit pitsaasuunersut aqutsisut aamma sulisut oqaluuserinissaannut iluaqutaavoq, taakkulu inunnut tamanut assigiittanngillat. Sullivimmi avatangiisinik suliaqartut katersaat aallaavigalugit suliffeqarfik unillatsiarnernik assigiinngitsunik annikitsunik misileraapput.

4.3. Suliap ingerlannissaanut naammattumik aamma naapertuuttumik ilinniartitsineq ilitsersorneqarnerlu

Sulisitsisutut sulisut tamarmik sulianut annertuunut piffissakilliornermullu atatillugu isumaannaatsumik aamma peqqissutsikkut tamakkiisumik illersorneqarsinnaasumik sulisinnaanissaannut naammattumik aamma naapertuuttumik ilinniartinneqarnissaannut ilitsersuunneqarsinnaanissaannut sulisitsisutut pisussaavutit qulakkiissallugu. Taamaattumik ilinniartitsineq aamma ilitsersuineq qitiusumik pinaveersaartitsinermi iliuusaavoq.

Suliffeqarfimmi nutaanik sulisoqalernermi ilinniartitsinissaq ilitsersuinissarlu ukkatarissavatit, aamma suliniuteqarnermi sulisut, paarlatsit, atuartut aamma suliffeqarfimmut attuumassutillit namminersortut. Sulisut suliaannik allanngortoqaraangat ilinniartitsinissaq aamma ilitsersuinissaq aamma ukkatarisassavat. Ass. sulisut nutaanik suliakkerneqaraangata, suleqatigiinnik nutaanik pilersitsisoqarpat, imaluunniit suliamik ingerlatseriaaseq allanngorpat. Periutsit nutaat, inatsit nutaaq, sulilluni atortut nutaat imaluunniit teknologiip nutaap atorneqalernera pissutaasinnaavoq.
Ilinniartitsineq aamma ilitsersuineq pisariaqarpat akuttunngitsumik ingerlanneqartassaaq.

Ilinniartitsininni aamma ilitsersuininni sulisitsisutut iluaqutaasumik ukua ukkatarissavatit:

  • Sulisut suliassat sorliit suliarissaneraat.
  • Suliassat qanoq suliarineqartassanersut aamma kina peqatigalugu.
  • Suliassat annertussusaannut aamma pitsaassusaannut piumasaqaatit aamma naatsorsuutit suunersut, aamma sulisut suliassamut piffissaq qanoq sivisutigisoq atortassaneraat.
  • Piffissaq atorneqarsinnaasoq naammanngippat, sulisut suliassat sorliit salliutittassaneraat.
  • Suliassanut aalajangersimasunut aqutsisunit aamma suleqatinit tapersersuinissamut aamma siunersiuinissamut suut periarfissaanersut.
  • Sulinermi sunniuteqarnissamut periarfissaat suunersut, kiisalu sulisut sunik akisussaaffeqarnersut aamma piginnaatinneqarnersut.
  • Sulisut eqqortunik piginnaaneqassasut taamaalillutik suliatik aalajangersimasut ingerlassinnaaniassagamikkit.

AT-ilitsersuummi “Sulinermi ilinniartitsineq, ilitsersuineq aamma nakkutilliineq.

4.4. Aqutsisunit aamma suleqatinit sulinermi tapersersorneqarneq

Aqutsisunit aamma suleqatinit tapersersorneqarneq iliuusaavoq pingaarutilik sulisut suliassanik annertuunik piffissakilliorlutillu sulinerminni isumannaatsuunissaannut aamma peqqissuunissaannut aarlerinartumik pinaveersaartitsineq iluatsinniarlugu. Sulinermi aqutsisunit aamma suleqatinit tapersersorneqarneq sulisut sulinerminni piumasaqaatinik isumaginninnissaannut iluaqutaasarput. Sulinermi tapersersuineq pisariaqartinneqartoq qulakkeerniarlugu, illit sulisutillu ass. makkuninnga tulliuttunik ukkatarinnissaasi:

  • Sulisut aqutsisunit aamma suleqatinit, suliassat aalajangersimasut pilersaarusiornissaannut aamma suliarinissaannut ikiorneqarlutillu tapersersorneqarnissaat.
  • Aqutsisut aamma sulisut suliassat annertussusaannut aamma kiffartuussinerup imaluunniit pitsaassusaannut tunngatillugu naatsorsuutinik naleqqussaanissaat.
  • Sulisut sulinermut naatsorsuutinut piumasaqaatinut atatillugu, suliat qanoq suliarineqartarnerinut sulisut pitsaasumik utertitsiffigineqassapput aamma akuersaarneqassapput. Tamanna aqutsisunit aamma suleqatinit pisinnaavoq.
  • Sulisut suleqatigiinnissamut, siunersiuinissamut aamma attuumassuteqartuni suliassat ataatsimut suliarinissaannut periarfissanik aqutsisut tapersersuinissaat.
  • Aqutsisut sulisullu oqaloqatigiinnissaat, sulisut taamaalillutik toqqissisimanartumik suliassat annertuut aamma piffissakilliorneq pillugit oqariartuuteqarlutillu aaqqiissutissanut siunnersuuteqarsinnaaniassammata.

Assersuut: Sulisunut nutaanut ilisarititsilluni ingerlatsineq pitsaanerusumik aallartitsisoq

Sullivimmi aqutsisut sulisunut nutaanut ilisarititsilluni ingerlatsinermik atulersitsipput. Ingerlatsinermi sulisut nutaat suliffimmi pissutsit, it-mi atortut, periutsit, suleqatit aamma suleqatigisartakkat paasisaqarfigaat. Ilisarititsilluni ingerlatsinerup ilaani ilitsersuisoqarnermik aaqqiissuteqartoqarpoq, tassani sulisut nutaat suleqammut misilittagartuumut attaveqartinneqarput, taanna ilinniartitsinermut akisussaasuuvoq aamma suliamut tunngatillugu ajornartorsiutinut tunngasunik siunersiorpaat.

Sulisut nutaat sullivimmi sukkanerusumik attaveqaateqalernerannik ilisarititsilluni ingerlatsineq malitseqarpoq, taamaalillutik suliassanut nalorninartunut aperinissaat aamma ikiorneqarnissaat ajornannginneruvoq. Tamanna aamma sukkanerusumik sulianik suliarinneqataasinnaalernerannik isumaqarpoq.

4.5. Sulianut ingerlanneqartussanut atatillugu sulinermi sunniuteqarsinnaaneq

Sulinermi sunniuteqarneq sulisut suliassat annertuut aamma piffissakilliorfiusut isumannaatsuunissaannut aamma peqqissuunissaannut aarlerinartumik pinaveersaartitsinerup iluatsinnissaanut aamma iliuusaavoq pingaarutilik. Sunniuteqarsinnaaneq sulinermut sunniuteqarsinnaaneq aamma sulisut sulinermi piumasaqaatinik isumaginnissinnaanerannut tunniussaqarnermut tunngavoq. Illit sulisitsisutut qulakkiissavat, sulisuit sulinerminni sunniuteqarnissaat, ass.:

  • Suleriutsinut aamma suliassat annertussusaannut, suliassat tulleriiaarnerinut aamma suliat suliarineranni sukkassutsimut sunniuteqarnissamut periarfissaqarnissaat.
  • Sulinerup pilersaarusiorneqarneranut aamma aaqqissuunneqarneranut, suliassallu agguataarneqarnerannut, ass. ataavartumik pingaarnersiuinermut tunngasumik ataatsimiinnermut aamma suliffissat pilersaarusiorneqarnerannut peqataatinneqartarnissaat.
  • Akuttunngitsumik ataatsimiittarnissaq, suliassat annertussusaat, aaqqiissutinut piumasaqaatit aamma suliassat suliarinissaannut piffissaritinneqartoq oqaluuseralugu.
  • Sulineq aaqqissuullugit, taamaalilluni sulisut suliassat qanoq aamma qaqugu suliarinissaannut sunniuteqartillugit, ass. suleqatigiit imaluunniit suliniuteqartut aaqqissuunnerisigut.
  • Allannguinerit pilersaarusiorneqarnerannut, ingerlanneqarnerannut aamma tunngavilerneqarnerannut peqataatillugit.

Assersuut: Pinaveersaartitsinernik assigiinngitsunik suliniuteqarnermik suliaqarneq ataqatigiissumik iliuuseqartitsivoq

Sullivik anginerusoq piffissami sivisuumi nioqqutissanik piumanninnerup annertusiartorneranik nalaataqarpoq. Taamatut pisoqarnera sulisut piffissami sivisuumi ulapinnerannik kinguneqarpoq. Taamaattumik aqutsisut sullivimmi avatangiisinik suliaqartut suleqatigalugit suliniutinik pinaveersaartitsisunik arlalinnik aallartitsipput.

Ilaatigut suleriutsit aamma tunisassiornerup ingerlanera misissueqqissaarfigineqarput. Tamanna tunuliaqutigalugu immikkoortortaqarfinni ataatsimiittarnerit atulersinneqarput, tassani suliassat aamma siuariartorneq oqaluuserineqarput, pisariaqartillugulu pingaarnersiuinermi allannguisoqartarpoq. Aammattaaq sulisunut aqutsisup aamma sulisut ataasiakkaat akornanni qaninnerusumik oqaloqatigiinnissamut piffissaliisoqarpoq, tassani suliassat aamma naatsorsuutit naleqqussarneqarsinnaallutik. Kiisalu ataatsimiinnerni aalajangersimasuni suleqatigiittut aamma suliamut tunngatillugu suleqatigiit akornanni siunersiuinissamut periarfissamik pilersitsisoqarpoq.

4.6. Sulisut pisariaqartitaannik eqqarsaatiginninneq

Sulisitsisutut suliassanut annertuunut aamma piffissakilliornermut atatillugu sulisut isumannaatsuunissaannut aamma peqqissuunissaannut aarlerinartut pinaveersaartinniarukkit, sulisut ataasiakkaat illersorneqarsinnaasumik suliaqarnissamut pisariaqartitaat eqqarsaatigissavatit.

Sulisoq ass. sulinermut tunngatillugu misilittagaqarpallaanngippat piffissap ilaani ilinniarteqqinneqarnissamik aamma ilitsersorneqarnissamik imaluunniit aqutsisunit aamma suleqatinit tapersersorneqarnissamik pisariaqartitsisinnaavoq.

4.7. Eqimattat immikkut aarlerinartorsiorsinnaasut illersorneqarnerat

Sulisunut annertuumik suliaqarnermi aamma piffissakilliornermi immikkut sunnerneqartussat aarlerinartorsiornissaannut illersuinissamut pisussaaffeqarputit.

Ass. naartusut pineqarsinnaapput. Misikkarissinnaanerat eqqarsaatigalugu, iliuutsinik pinaveersaartitsisunik siusinnerusukkut aallartitsinissaq pisariaqarsinnaavoq, imaluunniit sulisut taakku illersorniarlugit allaanerulaartumik iliuuseqarnissamut pisariaqartitsisoqarsinnaavoq. Tamanna ass. sulinerup nalaani unikkallarnerit amerlanerunissaannut imaluunniit suliat iluarsaannissaannut periarfissaqartitsivoq.

Paragraffit pingaarnerpaat

Sullivimmi tarnikkut avatangiisit - Nalunaarut 1406 - 2020 - kingusinnerusukkut allannguuteqartoq - §§ 6, 8, 9, 10, 13 aamma 15

Sullivinni avatangiisit - Inatsit 2062 - 2021 - kingusinnerusukkut allannguuteqartoq - § 5

5. Suliap illersorneqarsinnaasumik ingerlanneqarneranik pitsaasumik nakkutilliinermik ingerlatsineq

Takussutissiaq 4 - Suliap ingerlarnganik pitsaasumik nakkutilliinermik ingerlatsineq.

Takussutissiaq 4 - Suliap ingerlarnganik pitsaasumik nakkutilliinermik ingerlatsineq.

Suliap suliassanut annertuunut aamma piffissakilliornermut atatillugu illersorneqarsinnaasumik isumannaatsumik aamma peqinnartumik ingerlanneqarneri pitsaasumik nakkutigineqarnissaat sulisitsisutut pisussaaffeqarputit qulakkiissallugu. Sulisuit suliniutit isumaannaatsuunissaq peqqissuunissarlu pillugit aallartinneqartut siunertarineqartutut ingerlanersut nakkutigissavaat.

Nakkutiginninneq pitsaasuussappat sulisut napparsimalissutaanngitsumik imaluunniit suliassat annertuut aamma piffissakilliorneq pissutigalugit ajoqusernatik ilumut sulinersut ingerlaavartumik nakkutigineqarnissaat pisariaqarpoq. Suliassat annertuut aamma piffissakilliorneq sulisumit sulisumut aamma immikkoortortaqarfimmit immikkoortortaqarfimmut, taamatullu piffissap nikerarsinnaammat, tamanna pisariaqarpoq. Nakkutilliinerit akuttussusaannut aamma annertussusaannut suliat suunerat, sulisut pisariaqartitaannik aamma suliat annertuut aamma piffissakilliornerup annertussusaa aalajangiisuusarput.

Nakkutilliineq makkuninnga ilaqassaaq:

  • Sulisut isumaannaatsumik aamma peqqissutsikkut tamakkiisumik illersorneqarsinnaasumik suliaqarniarlutik qanoq suliaminnik ingerlatsisarnersut aamma ilinniartinneqarnerminnik aamma ilitsersorneqarnerminnik malinnittarnersut.
  • Pinaveersaartitsilluni suliniutit suliassanut annertuunut aamma piffissakilliornermut atatillugu sunniuteqarluarnersut.
  • Ilinniartinneqarneq aamma ilitsersorneqarneq naammassimanersoq aamma naapertuunnersoq.
  • Sulisut ass. naatsorsuutigineqartut malillugit sulisimannginnerminnik paasitinneqaraangamik sulinerminnik naleqqussaasarnersut.

AT-ilitsersuut pillugu “Ilinniartinneqarneq, ilitsersuineq aamma sulinermik nakkutilliineq” pillugu annerusumik atuagaqarsinnaavutit.

Nakkutilliinermi annertuumik suliassaqartoq aamma piffissakilliortoqartoq takutinneqarpat, illit sulisitsisutut naliliiffigissavat, sulisuit isumannaatsuunissaat aamma peqqissuunissaat pitsaasumik pinaveersaartinneqarnersoq, kapitali 3 naapertorlugu. Pisariaqarpat, pinaveersaartitsissutinik suliniutinik aallartitsissaatit, kapitali 4 naapertorlugu.

Pitsaasumik nakkutilliineq aamma ukiumoortumik sullivinni avatangiisit pillugit eqqartuinermut aamma APV-mik suliaqarnermut pingaarutilinnik isummerfiusinnaavoq.

Paragraffi pingaarnerpaat

Sullivimmi tarnikkut avatangiisit - Nalunaarut 1406 - 2020 - kingusinnerusukkut allanngortinneqartoq - §§ 11 aamma 1406

6. Nalunaarutit aamma ilitsersuutit attuumassutilli

AT-ilitsersuut suliassanut annertuunut aamma piffissakilliornermut tunngasoq pingaarnertut malittarisassanit tulliuttunit tunngaveqarpoq

Sullivinni avatangiisit pillugit inatsit - Lov 2062 - 2021 - kingusinnerusukkut allannguuteqartoq 

Sullivimmi tarnikkut avatangiisit - Nalunaarut 1406 - 2020 - kingusinnerusukkut allanngortinneqartoq - §§ 1406 aamma 1406 

Nalunaarutit allat attuumassutillit

Sulliviit aalajangersimasut aaqqissuunneri - Nalunaarut 835 - 2023 - kingusinnerusukkut allannguuteqartoq

Anvendelse af tekniske hjælpemidler - Bekendtgørelse 428 - 2022 - med senere ændringer

Hvileperiode og fridøgn m.v. - Bekendtgørelse 324 - 2002 - med senere ændringer 

Sullivimmi tarnikkut avatangiisit pillugit AT-ilitsersuutit allat

Sullivimmi tarnikkut avatangiisit qulaajaavigineqarneri - AT-ilitsersuut D.4.1

Iliuutsit narrujuumminartut, tassunga ilanngullugu pimmatiginninneq aamma kinguaassiutitigut nikanarsaaneq - AT-ilitsersuut 4.3.1Sulinermi piumasaqaatit ersarinngitsut aamma akerleriittut - AT-ilitsersuut 4.11.1

Nakuuserneq - AT-ilitsersuut D.4.3