Spring over venstremenu

Kalaallit Nunaanni suliffeqarfinni isumannaallisaaneq- aamma peqqissuunissaq pillugu suliaqarnermut tunngasut pillugit nalunaarutip allanngortinneqarneranut nalunaarut

Sullivinnik Nakkutilliisoqarfik - Nal. nr. 364 af 6. aprilii 2010

§ 1 Nalunaarut nr. 1346 15. december 2005-meersumi, Kalaallit Nunaanni suliffeqarfinni isumannaallisaanermut- aamma peqqinnissakkut sulinermut tunngasumi imatut allannguisoqarpoq:

1. § 27-p kingorna ilanngunneqassaaq:

"Isumannaallisaaqatigiit ilinniartitaanerat

§ 27 a. Isumannaallisaanermik suleqatigiit pilersinneqareerpata, sulisitsisup isumannaallisaanermik suleqatigiit ilaasortaat allaaserineqartumut sulisilluni avatangiisit pillugit ilinniartitaanermut nalunaarutigissavai, tak. § 1 Kalaallit Nunaanni sulisilluni avatangiisit pillugit ilinniartitsineq pillugu nalunarut.

Imm. 2. Taamaattoq imm. 1-mi aalajangersagaq makkununnga atuutinngilaq:

  1. Isumannaallisaanermik suleqatigiisitani ilaasortat siusinnerusukkut 1. januar 2010 sioqqullugu allaaserineqartoq ilinniartitaaneq pereersimappassuk.
  2. Isumannaallisaanermik suleqatigiisitani ilaasortat, danskit suliffimmi avatangiisit pillugit ilinniartitsineranni peqataareersimappata imaluunniit tassunga taarsiullugu ilinniartitsineq, tak. § 26 a suliffeqarfinni isumannaal- lisaanermik- aamma peqqissuunissamik suliaqarneq pillugu nalunaarut.

Imm. 3. Isumannaallisaanermik suleqatigiissitat pilersinneqarneranniit kingusinnerpaamik sap. akunneri sisamat qaangiuppata imaluunniit isumannaallisaanermik suleqatigiinnik qinerseqqammersoqarnerani isumannaallisaanermik suleqatigiissitat ilaasortai sulisilluni avatangiisit pillugit ilinniartitaanermut peqataasussanngortinneqarlutik nalunaarutigineqassapput.

Imm.4. Isumannaallisaanermik suleqatigiisitat, utaqqiisaasumik pilersinneqarsimasut imaluunniit nikittaattuni suliffigisaniittartut, ilanngullugit illuliornermi- aamma sanaartornermut tunngasut, isumannaallisaanermik suleqatigiit pilersinneqarnerinit kingusinnerpaamik nalunaarutiginissaannut sapaatip akunneri marluk killissaritinneqarput.

Imm.5. Ilinniartitsineq naammassineqareersimassaaq, isumannaallisaanermik suleqatigiisitat pilersinnerannit imaluunniit pilerseqqinneranit kingusinnerpaamik qaammatit 8 qaangiuppata.

Imm. 6. Isumannaallisaanermik suleqatigiisitap ilaasortai, ilanngullugu isumannaallisaanermik suliaqarnermi ulluinnarni pisortaasoq pisussaapput sulisilluni avataangiisit pillugi ilinniartitaanermi aalajangerneqarsimasumi peqataassallutik, taamaattoq tak. imm. 2.”

2. § 36-p kingorna ilanngunneqassaaq:

“Kalaallit Nunaanni Suliffigissaasut

§ 36 a. Suliffiit isumannaallisaanermut- aamma peqqissuunissamut sulinerisa ineriartortinneqarnerat Kalaallit Nunaanni Suliffigissaasut malinnaavigissavaat. Tamanna tunngavigalugu Kalaallit Nunaanni Suliffigissaasut siunnersuuteqarsinnaapput aamma suliniuteqarsinnaapput isumannaallisaanermik ingerlatsinerup nukittorsarneqarnissaanik aamma pitsanngorsarnissaanut, ilanngullugu sulisilluni avatangiisinut tunngasunik ilinniartitsinikkut.”

3. § 42, imm. 1, nr. 1-mi "§ 26, imm. 1-p" kingornagut ilanngunneqassaaq ",§ 27 a,imm. 1,”

Nalunaarut atuutilissaaq ulloq, 15. aprilii 2010.

Arbejdstilsynet, den 6. aprilii 2010

JENS JENSEN/ Charlotte Skjoldager