Sanatitsisoq akisussaaffiit eqqaamajuk

Sanaartornikkut suliaqarnermi sulisitsisut marluk arlaqarnerusulluunniit sanaartorfimmi ataatsimi ataatsikkut inunnik qulinit amerlanernik sulisoqartillugit sanatitsisoq makkuninnga akisussaaffeqarpoq.

Suliassaq aallartinneqartinnagu suliassaqarfinni ataatsimoorussani sulisitsisut ataasiakkaat suliassaannik killiliinissamut akisussaaffeqarneq.

Sanaartorfik pilersinneqartinnagu isumannaatsuunissamut peqqissuunissamullu pilersaarusiornissamut akisussaaffeqarneq.

Suliat ingerlanneqartil-lugit suliassaqarfinni ataatsimoorussani isumannaallisaanerup peqqissuunissallu ataqatigiissaarneqarnissaannut akisussaaffeqarneq. Tamanna ilaatigut pisassaaq ullut 14-inngornerit tamaasa isumannaallisaaneq pillugu ataatsimiittarnertigut sanaartorfimmilu inuttut nammineq attaveqarnikkut.

Ataqatigiissaarisumik, sanaartornerup iluani makkuninnga piginnaaneqareersussamik, toqqaanissamut akisussaaffeqarneq:

  • Paasisimasalittut immikkut ilisimasaqarneq
  • Sulisitsinermik misilittagaqarneq
  • Apeqqutinik isumannaallisaanermut peqqissuunissamullu tunngasunik pisariaqartumik ilisimasaqarneq
  • Suliffimmi isumannaallisaaneq pillugu ilinniagaqarsimaneq

Sanatitsinermi Sullivinnik Nakkutilliisoqarfimmut nalunaarutiginninnissamut akisussaaffeqarneq:

  • Inuit ikinnerpaamik 20-t ataatsikkut ulluni 30-ni sulisorineqartillugit, imaluunniit
  • Suliassat inuup ataatsip ulluni 500-ni suliassaanit annertuneruppata.

Sanatitsisup suliassat inunnut suliffeqarfinnulluunniit allanut isumagisassanngortissinnaavai, sanatitsisorli nakkutilliisoqarfimmut atatillugu akisussaaffeqartuaannassaaq.Tamatuma saniatigut sanaartornerup annertussusaa apeqqutaatinnagu suliassat isumannaallisaanikkut peqqissuunissakkullu tamakkiisumik illersorneqarsinnaasumik sulisitsisumit ingerlanneqarsinnaanissaannut sanatitsisoq suleqataassaaq.

Allassimasut pdf-inngorlugit