Suliffiugallartuni aamma paarlakaattuni suliffinni, taakkununnga ilanngunnagit illuliornermik sanaartornermilu suliat, sullivinni avatangiisit pillugit suleqatigiinneq

At-ilitsersuut F.3.5-1 suliffiugallartuni imaluunniit paarlakaattuni suliffinni sullivimmi avatangiisit pillugit suleqatigiinneq, ilanngunnagit illuliornermik sanaartornermillu suliffiit aamma At-ilitsersuut F.3.4 suliffiugallartuni imaluunniit paarlakaattuni suliffinni illuliornermik sanaartornermillu suliffiusuni sullivimmi avatangiisit pillugit suleqatigiinneq pillugit, qallunaat ilitsersuutigaat, qallunaallu sullivimmi avatangiisit pillugit inatsisaannut attuumassuteqarlutik. Taamaakkaluartoq qallunaat At-ilitsersuutaat sullivimmi avatangiisit pitsaasuutinneqarnerannut takussutissaapput, aamma kalaallit sullivimmi avatangiisit pillugit inatsisaannik malinninnissaq eqqarsaatigalugu.

At-ilitsersuutini ukunani allaaserineqarput immikkut ittumik malittarisassat, suliffiugallartuni imaluunniit paarlakaattuni suliffinni isumannaallisaanermik peqqinnissamillu suliaqarnermi suleqatigiinneq qanoq aaqqissuunneqarsimassanersoq. Suliaqarfimmut matumunngarpiaq immikkut ittumik malittarisassaqarpoq, pissutigalugu suliffiugallartuni imaluunniit paarlakaattuni suliffinni sullivinni avatangiisit akulikitsumik immikkullu ittunik unammilligassaqarfiusarmata.

Immikkut aaqqissuussaanissamik malittarisassat taamaallaat atuutissapput, sulisitsisoq ataaseq suliffiugallartumi imaluunniit paarlakaattumik suliffimmi minnerpaamik tallimanik sulisoqarpat, aammalu sulineq minnerpaamik ulluni 14-ini ingerlanneqarpat.

Illuliornermik sanaartornermilu suliat, aamma suliffiugallartuni imaluunniit paarlakaattuni suliffinni ingerlanneqartut, immikkut ilitsersuummi allaaserineqarput.

  Suliffiugallartuni imaluunniit paarlakaattuni suliffinni illuliornermi aamma sanaartornermi suliffiusuni sullivimmi avatangiisit pillugit suleqatigiinneq - AT-ilitsersuutit F.3.4 (/malittarisassat/at-ilitsersuutit/suleqatigiinneq- suliffiugallartut-paarlakaattumik-suliffiit-illuliortiterneq-sanaartorneq-f-3-4/)

Malittarisassat ilitsersuummi matumani allaaserineqartut avataatigut, sullivinni avatangiisit pillugit suleqatigiinnermi malittarisassat nalinginnaasut tamarmik atuupput. Malittarisassat tamakku ilaatigut sullivinni avatangiisit pillugit aaqqissuussaanerup (AMO-p) suliassaanut, AMO-mi ilaasortassanik qinersisarnermut toqqaasarnermullu, sulisitsisullu pisussaaffiinut tunngasunik imaqarput.Sullivimmi avatangiisit pillugit suleqatigiinneq suliffeqarfinni annerpaamik 9-nik sulisulinni  - AT-ilitsersuutit F.3.1Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2Sullivimmi avatangiisit pillugit suleqatigiinneq suliffeqarfinni ikinnerpaamik 35-nik sulisulinni  - AT-ilitsersuutit F.3.3

1. Isumannaallisaaneq peqqinnissarlu pillugit suleqatigiinnissaq piumasaqaataavoq

Suliffeqarfiit sulisullit tamarmik isumannaallisaaneq peqqinnissarlu pillugit suleqatigiinnissaq pillugu maleruaqqusani pineqarput. Qaqugukkut sulisitsisumik sullissinerunersoq immikkoortoq 3-mi erseqqinnerusumik allaaserineqarpoq, tassani aamma allaaserineqarpoq sulisoq kina ilanngunneqassanersoq, AMO-mik pilersitsisoqarnissaa pillugu pisussaaffeqarnermut atatillugu sulisut amerlassusiisa naatsorsorneqarnissaanni.

Sulisitsisup akisussaaffigaa, suliap suliarineqartup isumannaallisaanikkut peqqinnissakkullu tamakkiisumik illersorneqarsinnaasumik ingerlanneqarnissaa, aammali pisortat sulisullu sullivimmi avatangiisit pillugit suleqataasussaapput. Taamaattumik sulisitsisoq pisussaaffeqarput pisortat sulisullu peqataatissallugit, taamaaqataanillu aamma pisortat sulisullu pisussaaffigaat suleqatigiinnermi peqataassallutik.Sullivimmi avatangiisit pillugit suleqatigiinneq suliffeqarfinni annerpaamik 9-nik sulisulinni  - AT-ilitsersuutit F.3.1Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2Sullivimmi avatangiisit pillugit suleqatigiinneq suliffeqarfinni minnerpaamik 35-nik sulisulinni  - AT-ilitsersuutit F.3.3

Pisussaaffiit taakku sullivimmi isumannaallisaanerup iluani suleqatigiinnermi ileqqussaasutut piffissami sivisuumi atuuttut ingerlateqqinneqarput. Tamanna isumaqarpoq, sulisitsisut, pisortat, sulisut aamma allat akisussaasut suleqataanissamik pisussaaffimmik saniatigut, suliat naliginnaasut eqquutsissallugit pisussaaffeqartut, sulinermi isumannaallisaanermut peqqinnissamullu tunngasut tamakkiisumik illersorneqarsinnaasuunissaannik qulakkeerinninnissamut.

2. Suliffiugallartut imaluunniit paarlakaattumik suliffiit suuppat?

Suliffiugallartuni aamma paarlakaattumik suliffinni sulisoq ataaseq imaluunniit inuit amerlanerit suliffeqarfimmi sulisut suliffeqarfiup angerlarsimaffiata avataani suliaqarfimmiipput. Sulineq assersuutigalugu pisinnaavoq suliffeqarfiup allap sumiiffiani, inunni sullitani, aqqusinerni aamma silami nunaminertani allani, suliffiugallartutut iluseqartuni.

Suliffiugallartuni aamma paarlakaattuni suliffinni sulinerit assersuutigalugit tassaapput naatsiivilerinermik naasulerinermillu sulineq, iluarsaassinermik aserfallatsaaliuinermillu sulineq, politiini, qatserisartuni annaassiniartartunilu sulineq, assartuinermik sulineq, eqqaavilerineq, igalaanik qillarissaaneq, nakkutilliinermik suliaqarneq, eqqiaaneq, angerlarsimaffinni ikiortitut sulineq, pigaartuuneq, kiisalu kiassaanermik, erngup aqqutaanik innaallagissamillu pilersuinermik suliaqarneq. Siunnersortit, sinniisut aamma peqqissaasut assersuutaapputtaaq inunnut, suliffiugallartuni imaluunniit paarlakaattuni suliffinni suliamik suliaqartartut suliaqarsinnaasulluunniit.

Suliffiit taamaattut tulliuttuni avataani suliffittut taagorneqassapput, suliffeqarfiullu aalajangersimasumik suliffeqarfia taagorneqassalluni suliffigisap angerlarsimaffianik.

3. Suliffiugallartunut imaluunniit paarlakaattumik suliffinnut malittarisassat immikkut ittut suliffeqarfissinnut atuuppat?

Sulisitsisoq avataani suliffimmi minnerpaamik tallimanik sulisoqarpat, taakkulu suliaat ikinnerpaamik ulluni 14-ini ingerlanneqarpat, taava sullivimmi avatangiisit pillugit suleqatigiinneq avataani suliffimmi AMO tunngavigalugu ingerlanneqassaaq.

Sulisoqarnersoq aamma sulisut qassiunersut paasiniaraanni, taava nalilerniagassaavoq, sulisitsisumut sulianik suliaqartoqarnersoq.

Sulisitsisumut sulianik suliaqartoqarnera nalilerniartillugu, ilaatigut makku pingaartinneqassapput,

• inuit sulinerminni ilitsersorneqarlutillu nakkutigineqarnersut
• inuit inuttut sulisinnaassuserminnik atuinissaminnik pisussaatitaanersut
• suliap suliarinissaanut inimik sullivimmik, maskinanik, sakkunik, atortussanik imaluunniit ikiuutissanik pisariaqartunik allanik, sulisitsisoq atugassiisinnaavoq
• suliap inernera ajussagaluarpat sulisitsisup

Nalornisoorfinni immikkorluinnaq pingaartuutinneqarsinnaavoq inuk suliarisimasaminut akilerneqarnersoq, tamannali qaqutiguinnaq isumaqatinneqarsinnaavoq.

Malittarisassalli atuutissanngillat sulineq ingerlanneqarpat

• sulisitsisup nammineq pigisaanut tunngasunik
• sulisitsisup ilaqutaanitinoqutigiinni ilaasumit
• sakkutooqarnermi sulisunit, suliaq sakkutooqarnermut

Piumassuseq najoqqutaralugu kattuffiliani, soorlu spejderini timersoqatigiillu peqatigiiffiini nalinginnaasumik sulisitsisumut sulianik ingerlataqartoqarneq ajorpoq. Taamaattumik isumannaallisaaniaqatigiit pillugit piumasaqaateqartoqanngilaq. Peqatigiiffinni sulisitsisumut suliamik ingerlatsisoqarpat isumannaallisaaniaqatigiit pillugit malittarisassat najoqqutarineqassapput. Tamanna aamma atuuppoq assersuutigalugu timersortartut klubbiini aningaasarsiutigalugu timersortartunut.

3.1. Avataani suliaqarfimmi sulisut minnerpaamik tallimaappat?

Sulisut qassiuneri naatsorsorneqartussaatillugit avataani suliaqarfimmi sulisut tamarmik, pisortaanngitsut sulisunillu aqutsisuunngitsut, ilanngunneqassapput.

Sulisunik aqutsisoq sullivinni avatangiisit pillugit inatsit najoqqutaralugu tassaavoq sulisorisaq taamaallaat imaluunniit sulinermini annertunerpaamik sulisitsisoq sinnerlugu sulisunik aqutsinermik imaluunniit sulinermik nakkutilliinermik imaluunniit tamatuma ilaanik sulialik.

Sulisussatut attartukkat, piffissap ilaannaani sulisorisat aamma aalajangersimasuunngitsumik sulisorisat naatsorsuinermi ilanngunneqassapput.

Suliffeqarfimmi paarlattaasutut sulisuusut sulisorisanut aamma ilanngunneqassapput. Aamma sulisut sannavinnni illersugaasuni aamma suliffissaqartitsiniutigalugu sulilersitsiniarlunilu suliniutini sulisut, tunisassiornermut ilinniarfinni assigisaannilu sulisut ilanngullugit kisinneqassapput.

3.2. AMO avataani imaluunniit suliffeqarfiup angerlarsimaffiani

Avataani sulisut tallimaappata AMO-mik pilersitsinissaq pisussaaffiusinnaavoq, suliffigisap angerlarsimaffiani AMO-mik aaqqissuussaaneqanngikkaluarpalluunniit.

Aammali pisussaaffiusinnaavoq AMO pilersissallugu avataani suliffimmi aamma suliffeqarfiup angerlarsimaffiani. Taamaattoqartillugu AMO ataatsimoortuussaaq, ilaa suliffigisap angerlarsimaffiani atuutissalluni ilaalu avataani suliffigisami. Tulluartuussappat sulisitsisup isumagissavaa avataani AMO-p aamma AMO-p suliffeqarfiup angerlarsimaffiata akornanni suleqatigiinneq ataqatigiissaagaatissallugu, AMO-milu ilaasortat periarfissillugit suleqatigiinnermik ataqatigiissaarnissaanut.

Apeqqutaatinnagu AMO avataani imaluunniit angerlarsimaffimmi aaqqissuussaasimanersoq, AMO-p isumagissavai suliassat pingaarnerusut aamma ulluinnarni suliassat, suliffeqarfimmi tamarmi sulisut pillugit.Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2Sullivimmi avatangiisit pillugit suleqatigiinneq suliffeqarfinni minnerpaamik 35-nik sulisulinni  - AT-ilitsersuutit F.3.3

4. Suliffeqarfiup angerlarsimaffiani AMO-mut malittarisassat suut atuuppat?

Suliffeqarfiup angerlarsimaffiani AMO pilersinneqassaaq AMO pillugu malittarisassat nalinginnaasut najoqqutaralugit. Tamanna isumaqarpoq, suliffeqarfik qulinik amerlanerusunilluunniit sulisoqarpat, AMO pilersinneqassaaq. AMO tassaavoq suliffeqarfiup iluani sullivinni avatangiisit pillugit suleqatigiinnermik aaqqissuussaaneq, qitiusumik inuttaralugit sulisitsisoq imaluunniit taassuma sinniisaa, sullivimmi avatangiisinut sinniisut qinikkat aamma suliamik siulersuisut toqqakkat. Suliffigisap angerlarsimaffiani AMO-mik pilersitsisoqarnissaanik naliliiniarnermi, suliffeqarfiup avataani sulisui ilanngullugit naatsorsuutigineqassapput.Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2Sullivimmi avatangiisit pillugit suleqatigiinneq suliffeqarfinni minnerpaamik 35-nik sulisulinni  - AT-ilitsersuutit F.3.3

5. Avataani suliffigisami AMO pillugu malittarisassat suut atuuppat?

Avataani suliffeqarfinni ataasiakkaani AMO-p aaqqissuussaanerata qanoq iluseqartinnissaanut siullermik apeqqutaavoq suliaqarfimmi sulisut amerlassusiat. Aappaatut, avataani suliffeqarfimmi ilusiliisimaneq suliffeqarfiup angerlarsimaffiani ilusiliisimanermut atassuteqassaaq. Kisitsinermi malittarisassat suliffeqarfiup angerlarsimaffiani AMO-mik pilersitsinermi atorneqartut assigai.Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2

Sullivimmi avatangiisit pillugit suleqatigiinneq suliffeqarfinni minnerpaamik 35-nik sulisulinni  - AT-ilitsersuutit F.3.3

5.1. Avataani suliffigisami minnerpaamik sulisut tallimat ataallugit aamma suliffigisap angerlarsimaffiani minnerpaamik sulisut qulit ataallugit.

Avataani suliffigisami sulisut talllimanit ikinneruppata aamma suliffeqarfik tamakkerlugu sulisut qulinit ikinneruppata, sullivimmi avatangiisit pillugit suleqatigiinneq ataqatigiissaarneqassaaq, kisianni AMO-mik pilersitsinissaq piumasaqaataanngilaq. Ulluinnarni suleqatigiinneq ingerlasarpoq ingerlaavartumik toqqaannartumik attaveqarnikkut oqaloqatigiinnikkullu sulisitsisup, sulisut aamma sulisunik aqutsisut akornanni. Ukiumut ataasiarluni sullivimmi avatangiisit pillugit suliffeqarfimmi oqaloqatigiittoqartassaaq.Sullivimmi avatangiisit pillugit suleqatigiinneq suliffeqarfinni annerpaamik 9-nik sulisulinni  - AT-ilitsersuutit F.3.1Sulisitsisup ataavartumik periarfissaqartissavaa sullivimmi avatangiisinik suliaqarneq pillugu sulisut siunnersuuteqarsinnaanissaat aammalu isumannaallisaanermut peqqinnissamullu paasissutissat pisariaqartut tamaasa pissarsiarisinnaassagaat. Kiisalu sulisitsisup isumagissavaa sulisut tusarniaaffigisarnissaat teknologi nutaaq atorneqalertussaq pilersaarutigineqaleraagat.

5.2. Avataani suliffigisami minnerpaamik sulisut tallimat ataallugit aamma suliffigisap angerlarsimaffiani minnerpaamik sulisut qulit ataallugit.

Suliffigisap angerlarsimaffiani AMO-qarpat, aamma avataani suliffigisami minnerpaamik sulisut tallimanit ikinneruppata, taakku AMO-mi pioreersumi ilaassapput. Taamaattumik AMO-mi naammattumik periarfissaqassaaq aamma nukissaqassaaq avataani suliffigisami suliassat  isumaginissaanut.Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2

Sullivimmi avatangiisit pillugit suleqatigiinneq suliffeqarfinni minnerpaamik 35-nik sulisulinni  - AT-ilitsersuutit F.3.3

Avataani sulisut immikkoortortamut aalajangersimasumut imaluunniit suliffeqarfiup angerlarsimaffiani suliaqarfimmut aalajangersimasumut atassuteqakkajuppoq. Tamanna atuuppoq assersuutigalugu iluarsaassinermut immikkoortortaqarfimmi iluarsaasartunut imaluunniit angerlarsimaffimmi ikiortinut, assigalugit politiit, qatserisartut annaassiniartartullu stationimut aalajangersimasumi suliffeqartartut.

Sullivimmi avatangiisinut eqimattaqarpat, immikkoortortamut pineqartumut attaviusumik imaluunniit suliffeqarfiup angerlarsimaffiani immikkoortortami pineqartumut attaviusumik, pissusissamisuussaaq avataani suliffigisami sulisut eqimattamut tassunga ilaappata. Avataani suliffigisami sulisut suliffeqarfiup angerlarsimaffiani sullivinni avatangiisinut eqimattami taaseqataasinnaallutillu qinigaasinnaapput.

Sulisitsisup qularnaassavaa qinersinermi taaseqataasinnaallutillu qinigassanngortissinnaanissaat.

5.3. Avataani suliffigisami minnerpaamik sulisut tallimat ataallugit aamma suliffeqarfik tamakkerlugu sulisut 10-34-t

Avataani suliffigissami minnerpaamik sulisut tallimaappata aamma suliffeqarfik tamakkerlugu sulisut qulit 34-illu akornanniippata, AMO-p ilaa avataani suliffigisami atuuttoq, suliaqarfimmi aqitsisussamik ataatsimik amerlanerusunilluunniit aamma sullivimmi avatangiisinut sinniisumik ataatsimik amerlanerusunilluunniit inuttaqarpoq.

AMO-mut sulinermi siulersuisut toqqarneqassapput avataani suliffimmi sulisunut aqutsisut akornanni, aamma sullivimmi avatangiisinut sinniisussat AMO-mut qinerneqassapput avataani suliffimmi sulisut akornanni. Sulisitsisoq sulisitsisumulluunniit sinniisoq siulittaasuussaaq. Ilaasortat amerlassusiat aalajangerneqassaaq sulisitsisumit, sulisut sulisunillu aqutsisut suleqatigalugit.

Avataani suliffimmi AMO taamaalilluni toqqammaviatigut minnerpaamik pingasunik ilaasortaqassaaq, aaqqissuussaanermik ataatsimik pilersitsiviusumik.  Suliat naammaginartumik suliarineqarnissaannut pisariaqarpat, aaqqissuussaaneq sulisunik aqutsisunik amerlanerusunik aamma/imaluunniit sullivimmi avatangiisinut sinniisunik amerlanerusunik ilaasortaqassaaq.

Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2

AMO-mi sullivimmi avatangiisinut sinniisut minnerpaamik amerlassuseqassapput sulisunik aqutsisut amerlaqataannik.  Siunertaavoq AMO-mi sulinermi sulisunik aqutsisut aamma sullivimmi avatangiisinut sinniisut naligiillutik suleqataanissaat. AMO naammaginartumik atuutissappat pisariaqarpoq sulianik siulersuisut suliffeqarfik pillugu tamakkiisumik paasisimasaqarnerat aammalu sullivimmi avatangiisinut sinniisut misilittagaat. Sulisunik aqutsisoq aamma sullivimmi avatangiisinut sinniisoq piffisani aalajangersimasuni suliat isumaginissaannut paarlaassinnaapput, aappaa peqanngittussaatillugu. Ilaasortat ilaasa najuutinnginneranni suliat aalangiiffiusimasut pillugit ilaasortamut tassunga piaartumik ilisimatitsissutigineqassapput.

Suliffeqarfimmi sulisunut aqutsisoqanngippat, sulisitsisoq atuuffimmut tassung ikkutissaaq. Pisumi allami imaassinnaavoq sulisitsisup sulisunik aqutsisoq AMO-mi sinniisumisut toqqaraa. Pisuni taamaattuni AMO ikinnerpaamik marlunnik ilaasortaqassaaq. Illuliortiternermi sanaartornermilu suliffinni pissutsit ulluinnarni taamaakkajussinnaapput, sulisitsisoq nammineq suliffimmi allami sulisimanngikkaagat.

5.4. Avataani suliffigisami minnerpaamik sulisut tallimat ataallugit aamma suliffeqarfik tamakkerlugu sulisut 35-t.

Suliffeqarfik tamakkerlugu ikinnerpaamik sulisut 35-iusimappata, suliffeqarfimmi AMO marlunnik qaffasissusilimmik aaqqissuussaaneqartariaqarpoq, tassa sullivimmi avatangiisinut eqimattaq aamma sullivimmi avatangiisinut ataatsimiititaliaq. Avataani suliffinni minnerpaamik sullivinni avatangiisinut eqimattamik ataatsimik pilersitsisoqassaaq, minnerpaamik tallimanik sulisoqartumi minnerpaamik ulluni 14-ini suliaqarfiusumi. Suliffeqarfiup angerlarsimaffiani avataanilu sullivinni sullivinni avatangiisinut eqimattat inaarutaasumik amerlassusissaat sulisitsisup sulisut sulisunillu aqutsisut suleqatigalugit aalajangissavaa, suliassamik naammassinnissinnaassuseq tunngavigalugu.Sullivimmi avatangiisit pillugit suleqatigiinneq suliffeqarfinni minnerpaamik 35-nik sulisulinni  - AT-ilitsersuutit F.3.3

6. Ukiumoortumik sullivimmi avatangiisit pillugit oqaloqatigiinneq

Suliffeqarfiit tamarmik ukiumoortumik sullivimmi avatangiisit pillugit oqaloqatigiittassapput, ukiumi aggersumi sullivimmi avatangiisit pillugit suleqatigiinnissaq pilersaarusiorlugu. Oqaloqatigiinnermi suliffeqarfimmi sullivinni avatangiisit inissisimanerat aamma suliffeqarfik sutigut unammilligassaqarnersoq sammineqassapput. Sullivinnik Nakkutilliisoqarfiup nittartagaani najoqqutassaq peqataasut oqaloqatigiinnermi najoqqutarisinnaasaannik.Sullivimmi avatangiisit pillugit suleqatigiinneq suliffeqarfinni annerpaamik 9-nik sulisulinni  - AT-ilitsersuutit F.3.1

Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2Sullivimmi avatangiisit pillugit suleqatigiinneq suliffeqarfinni minnerpaamik 35-nik sulisulinni  - AT-ilitsersuutit F.3.3

Najoqqutassaq takuneqarsinnaavoq Sullivinnik Nakkutilliisoqarfiup nittartagaani, uuma iluani sullivinnik avatangiisit pillugit oqaloqatigiinneq

Suliffeqarfinni suliffeqarfiup angerlarsimaffiata avataani sulianik ingerlatsiviusuni eqqumaffigineqassaaq, avataani suliffigisami sullivimmi avatangiisini pissutsit aamma oqaluuserineqartassammata.

7. Suliaqarfimmi ataatsimi sulisitsisut arlariit akornanni suleqatigiinneq

Suliaqarfimmi ataatsimi sulisitsisut arlariit akornanni suleqatigiinnermi malittarisassat sullivimmi avatangiisit pillugit suleqatigiinnermut tapertaapput, suliaqarfimmi pineqartumi pisussat pillugit. Malittarisassat qulakkeerinneqataassapput suliaqarfimmi inuit tamarmik sullivimmi avatangiisit pillugit suleqatigiinnermi peqataanisaannut, apeqqutaatinnagu sulisitsisuuneq, sulisunut aqutsisuuneq sulisuunerluunniit, aamma apeqqutaatinnagu suliffeqarfimmi sorlermi sulisuuneq. Malittarisassat taamaallaat AMO´nut tunnganngillat, kisianni suliaqarfimmi sulisunut tamanut.

Suliaqarfimmi ataatsimi sulisitsisut arlariit akornanni suleqatigiinnermi malittarisassat, suliaqarfimmi ataatsimi suliassanik suliaqartitsisuusunut, aamma atuupput namminersortunut sulisoqanngitsunut.

Sulisitsisut suliaqarfiusumi ataasiusumi suliaqartitsisuusut arlaliusut kikkullu tassani sulisorineqartut tamarmik sulisorisat sulinermi isumannaatsunik peqqinnartunillu atugassaqatitaanissaat pillugu suleqatigiissapput. Pisariaqarsinnaavoq najoqqutassiornissaq paatsooqatigiittoqarsinnaanera pinngitsoortinniarlugu.

Suleqatigiinneq qaffasissutsini tamani ingerlalluassappat, taava kikkut tamarmik, suliaqarfimmi tassani sulisut, najoqqutassat, taamaattoqarsimappat, ilisimassavaat.

Sulisitsisut tamarmik isumagissavaat AMO-mi suleqatigiinnermi akuunissartik.

Sulisitsisut imminnut ilisimatissapput, sulisut ataasiakkaat suliaqarfimmmi suliassaminnik suliaqarneranni aarlerinarsinnaasut pillugit. Siunertaavoq qulakkiissallugu, sulisitsisup, suliassamik pineqartumik suliaqanngitsup, nammineq sulisorisaminut tunngatillugu, qanoq iliuusissanik aalajangiisinnaanissaa, ajornartorsiutaaratarsinnaasunik paasisaqareernermini. Sulisitsisut ataasiakkaat pisussaapput paasissutissat sulisuminnut ingerlateqqissallugit.

Sulisut sulisitsisullu tamarmik suliaqarfimmmi suliaqartut, sulisitsisut arlallit suliaqarfimmi suliaqarfigisaanni, suliaminnut atatillugu malittarisassat atuuttut malissavaat, aamma malittarisassat suliffeqarfiit suleqatigiinnerat pillugu malittarisassat atuuttut.  Tamanna aamma atuuppoq namminersortunut sulisoqanngitsunut. Siunertaavoq qulakkiissallugu, suliaqarfimmi suliaqarnermi atuuffiit tamarmik isumannaallisaanikkut peqqinnissakkullu tamakkiisumik illersorneqarsinnaasumik suliarineqarnissaat.

Sulisut sulisitsisullu tamarmik suliffeqarfiup allap inaani suliaqartut, - suliamut suliarisaminnut atatillugu malittarisassat atuuttut malittussaanerisa saniatigut - aamma malissavaat, suliffeqarfiup suliaqarfigisamik isumannaallisaanikkut peqqinnissakkullu malittarisassat malitassaat sumiiffimmi

Aamma atuaruk

Tunuliaqutaa

Isumannaallisaaneq peqqinnissarlu pillugit suleqatigiinneq - Nalunaarut 1181 - 2010 - kingusinnerusukkut allannguutit ilanngullugit

Sullivinnik Nakkutilliisoqarfiup ilitsersuutai

Sullivimmi avatangiisit pillugit suleqatigiinneq suliffeqarfinni ikinnerpaamik 9-nik sulisulinni - AT-ilitsersuutit F.3.1

Sullivimmi avatangiisit pillugit suleqatigiinneq suliffeqarfinni 10-34-nik sulisulinni - AT-ilitsersuutit F.3.2Sullivimmi avatangiisit pillugit suleqatigiinneq suliffeqarfinni minnerpaamik 35-nik sulisulinni - AT-ilitsersuutit F.3.3

Suliffiugallartuni imaluunniit paarlakaattuni suliffinni illuliornermi aamma sanaartornermi suliffiusuni sullivimmi avatangiisit pillugit suleqatigiinneq - AT-ilitsersuutit F.3.4