Sullivinnik nalilersuineq (APV)

At-ilitsersuut D.1.1-3 qallunaat ilitsersuutigaat qallunaallu sullivimmi avatangiisit pillugit inatsisaannut attuumassuteqarluni. Kisianni qallunaat At-ilitsersuutaat sullivimmi avatangiisit pitsaasuutinneqarnerannut takussutissaapput, aamma kalaallit sullivimmi avatangiisit pillugit inatsisaannik malinninnissaq eqqarsaatigalugu. Ilitsersuummili immikkoortoq, napparsimatilluni sulinngittoortarnerup ilanngunneqarnissaa, eqqarsaatigisariaqanngilaq, taanna kalaallit sullivimmi avatangiisit pillugit inatsisaanni aamma sullivinnik nalilersuisarneq pillugu nalunaarummi piumasaqaataanngimmat. Immikkoortorli suliffeqarfinnut isumassarsiorfittut atorneqarsinnaavoq, APV-minni napparsimalluni sulinngittoortarneq pillugu ilanngusserusuttunut.

At-ilitsersuummi matumani pineqarpoq suliffeqarfiit sullivinni nalersuisarnerinut (APV) inatsisitigut suut piumasaqaataanersut. Ilitsersuut suliffeqarfinnut aamma sulisunut saaffiginnippoq aamma siunnersuuteqarpoq ilaatigut, APV qanoq suliarineqarsinnaanersoq.

Sullivinnik Nakkutilliisoqarfiup nittartagaani suliffeqarfik APV pillugu isumassarsiorsinnaavoq.Sullivinnik nalilersuinerit/sullivinnik/avatangiisit pillugit suliaqarneq-suliffeqarfinni/apv-sullivinnik nalilersuinerit/)

Ilitsersuummi matumani siulliullugu allaaserineqarpoq, APV-mik immersuinermi sulisitsisisup sulisullu suna pissarsiarissaneraat. Tulliullugu APV-mut tunngatillugu suliffeqarfik qanoq iliussanersoq. Ilitsersuummi naggasiullugu atortussat iluaqutaasinnaasut innersuussutigineqarput.

Karsini suliffeqarfiup atuarsinnaavai APV pillugu suliaqarnermut siunnersuutit isumassarsiallu.

1. Sooq APV-mik Sullivimmi nalilersuisoqassava?

Sullivimmi avatangiisit pillugit inatsimmut tunngatillugu suliffeqarfiup APV pisussaaffigiinnanngilaa. APV sakkussaavoq suliffeqarfiup atorsinnaasaa sullivimmi avatangiisit pillugit suliaqarnerup ilusilersorneqarnerani, aamma sullivimmi avatangiisinut pitsaasunut iluaqusiisinnaasoq.

Sullivimmi pitsaasumik avatangiiseqarneq suliffeqarfinnut iluaqutitaqarpoq. Tamannami malitseqarsinnaavoq:

• Ajutoornerit aamma inuussutissarsiummut atatillugu anniaatit pissutigalugit aningaasartutitomkostninger ikinnerusut
• Napparsimalluni sulinngitsoortarnerit ikinnerusut
• Sulisut taarseraannerat annikinnerusoq
• Suliffimmi qiimanerulerneq, kajuminnerulerneq aamma

Periutsit aamma sakkussat suut atussanerlugit suliffeqarfiup nammineq aalajangersinnaavai APV-mik ingerlatsinissamini.

Sullivinnik Nakkutilliisoqarfiup APV akuerisussaanngilaa, kisianni inatsisitigut piumasaqaatit najoqqutaralugit suliffeqarfiup APV-mik suliaqarnera ingerlanneqarnersoq nakkutigisussaavaa.

2. Suliffeqarfik qanoq iliussava?

Immikkoortumi uani allaaserineqarpoq suliffeqarfimmut suut piumasaqaataanersut APV-mik ingerlatsinissaanut atatillugu.

Sullivimmi avatangiisit pillugit inatsimmi APV-iimut atatillugu piumasaqaateqarpoq suliffeqarfimmit malinneqartussanik.:*

• APV
• APV suliffeqarfimmi pissarsiarineqarsinnaassaaq, taamaalilluni aqutsisumit, sulisunit aamma Sullivinnik Nakkutilliisoqarfimmit atuarneqarsinnaalluni.
• APV-mik suliaqarneq nalinginnaasumik tallimanik aqqusaagassartaqarpoq, immikkoortoq 4-mi allaaserineqartumik. Suliffeqarfiup nammineq aalajangersinnaavaa periuseq sakkussallu pitsaanerusutut nalilikkani atussallugit.
• Aqutsisut sulisullu suleqatigiissapput APV-p suliarineqarnerani.

APV assersuutigalugu sutortarfimmi iikkamut nivinngarneqarsinnaavoq imaluunniit intranet-imut ikkunneqarsinnaalluni. Pingaarnerpaavoq sulisut aqutsisullu sumi nanisinnaallugu ilisimassammassuk.

Suliffeqarfiit sulisulllit tamarmik Sullivinnik nalilersuineq APV ingerlatissavaat. Sulisitsisoq akisussaavoq tamatuma isumagineqarnissaanut. Tamanna aamma atuuppoq sulisoq ataasiinnaangaluarpat, aamma piffissami sivikitsuinnarmi atorfinitsitsisoqaraluarpat aalajangersimanngitsumilluunniit sulisitsisoqaraluarpat.

Suliffeqarfinni, suliaq sulisitsisup angerlarsimaffeqatigisaanit, assersuutigalugu meeraanit aappaanilluunniit suliarineqartillugu, aamma sulisunik allanik atorfinitsitsisoqarsimatinnagu, APV-mik suliaqarnissaq pisussaaffiunngilaq.

3. APV-p suliarineqarnerani kina peqataassava?

Suliffeqarfimmi APV ingerlanneqarpat sullivimmi avatangiisit pillugit aaqqissuussaaneq (AMO) ingerlatsineq tamakkerlugu akuutinneqassaaq. Tamanna atuuppoq pilersaarusiornermi, ingerlatsinermi, malitseqartitsinermi aamma APV-mik misissuataareqqinnermi. Suliffeqarfinni, AMO-qarnissaanik piumasaqarfiunngitsuni, sulisut APV-mik suliaqarnermi assiganik peqataassapput. AMO/sulisut APV immersorsimasartik atsiussavaat, peqataasimanerminnut uppernarsaatigalugu.

Pissusissamisoornerukkajuppoq APV-mik suliaqarnissami ataatsimoortumik siunertaq aamma “malitassat” sullivimmi avatangiisit pillugit aaqqissuussaanermut isumaqatigiissutigineqarsimappata. Assersuutigalugu apeqqutinut makkununnga tunngasuusinnaapput:

• APV-p suna siunertaraa?
• Sullivimmi avatangiisit pillugit aaqqissuussaanermi ilaasortat saniasigut - taamatut suliaqarnerup nalaani inunnik allanik qitiusumik inissisimasussanik - pisariaqartitsisoqarpa?
• Periaatsit atortussallu suut atorneqassappat?
• Qanoq aamma kimit ajornartorsiutaasinnaasut nalunaarsorneqassappat, pingaarnersiorneqassappat aaqqinneqassappallu?
• Immikkoortortani ataasiakkaani sammisap aalajangiusimaneqarnissaanut kikkut akisussaassappat?
• Ataatsimiinnerit, pikkorissarnerit, aallaqqaasiutigalugu isumasioqatigiinnerit, ilinniartitaanerit il.il. pisariaqartinneqarpat?
• Avataanit ilisimasalimmik ikiortissarsiornissaq pisariaqarpa, assersuutigalugu sullivimmi avatangiisinut siunnersortimik?
• Misilittakkat qanoq katersorneqassappat, aamma qanoq atorneqassappat APV-mik nalilersueqqinnermi?

Suliffeqarfik nammineq naammattumik ilisimasaqanngikkuni APV-mik ingerlatsinissamut, avataanit siunnersortimik ikiortissarsiussaaq. Sullivimmi avatangiisit pillugit aaqqissuussaaneq tusarniaavigineqassaaq suliffeqarfiup ikiortissarsiorluni saaffiginninnginnerani.

4. APV-mik aqqusaagassat tallimat

Suliffeqarfiup qulakkiissavaa APV-p talimanik immikkoortortaqarnissaa, APV-mi aqqusaagassatut ilaasussanik:

• Suliffeqarfimmi sullivinni avatangiisinik tamakkiisumik ilisarinninneq nalunaarsuinerlu
• Suliffeqarfimmi sullivimmi avatangiisitigut ajornartorsiutit allaaserineri naliliivigineqarnerilu
• Suliffeqarfimmi napparsimalluni sulinngitsoortarnerit ilanngunneqarneri
• Suliffeqarfimmi sullivimmi avatangiisitigut ajornartorsiutinut aaqqiissutissanik tulleriaarineq periusissatullu pilersaarusiorneq
• Periusissatut pilersaarummut malitseqartitsinissami najoqqutassat

Assiliaq 1 - APV-mik aqqusaagassat tallimat

4.1. Ilisarinninneq nalunaarsuinerlu

APV-mik suliaqarneq aallartissaaq suliffeqarfiup immikkoortortaani tamani sullivimmi avatangiisit qanoq innerat nalunaarsorlugu. Suliffeqarfiup immikkoortortai tassaapput, aamma assersuutigalugu, suliffeqarfiup angerlarsimaffiata avataani suliat suliarineqartut. Suliffiugallartuniissinnaavoq aamma paarlakaattumik sullivinni, asersuutigalugu sanaartorfimmi imaluunniit angerlarsimaffimmiit sullivimmi, takuuk immikkoortoq 6 aamma 7.

Sullivimmi avangiisit pillugit suliffeqarfik qanoq nalunaarsuissanersoq piumasaqaatitaqanngilaq, kisianni assersuutigalugu ima pisinnaavoq:

• Sulisunik apersuinerit
• Nerrivik kaajallallugu oqaloqatigiinnerit
• Iluarisimaarinninneq pillugu misissuineq
• Apeqqutit immersuinikkut akisassat, assersuutigalugu elektronisk-imik
• Sullivinnik Nakkutilliisoqarfiup sullivinnik nalilersuinermut immersugassaanik atuineq
• Branchefællesskaberne for arbejdsmiljø-mit atortussanik atuineq (www.bar- dk)

Nalunaarsuinerup takutissavaa suliffeqarfimmi sullivimmi avatangiisitigut ajornartorsiutit, tamakkoqarpat taava allattorneqassapput.

Ajornartorsiutit assersuutigalugu tassaasinnaapput ergonomiimut tunngasut, pissutsit biologiimut tunngasut, akuutissanut tunngasut, timitarisani pissutsit, tarnip tungaatigut pissutsit aamma ajutoorfimmi pissutsit.

Suliffeqarfimmi sullivimmi avatangiisini ajornartorsiutinik nalunaarsuisoqanngippat tamanna APV-mi takuneqarsinnaassaaq. Aamma sullivinni avatangiisitigut ajornartorsiuteqanngippat napparsimalluni sulinngitsoortarnermut pissutaaqataasunik, tak. immikkoortoq 4.3, taava suliffeqarfiup APV-mi aqqusaagassat sinneri ingerlateqqittariaqanngilai.

Nalunaarsuineq sullivimmi avatangiisini pissutsinik tamakkiisumik nalunaarsuinertut isigineqarsinnaavoq.  APV-mi ersissaaq AMO/suleqataasut peqataatinneqarsimasut.

Nalunaarsuinerup assersuutigalugu allaaserisinnaavai ajornartorsiutit inimi aalajangersimasumi qaammaqqutit sakkukippallaarnerat, nakkarluni ajoqusernissamut aarleqqutaasinnaasut, oqimaappallaanik suliaqarnerit, suliaqarpallaarneq aamma/imaluunniit nakuuserfigineqarnissamut aarleqquteqarneq.

4.2. Allaaserineqarnera naliliinerlu

Ilisarinninniarnerup nalunaarsuinerullu takutippagut sullivimmi avatangiisitigut ajornartorsiuteqartoq, suliffeqarfiup tamakku allaaserissavai nalilersorlugulu, tamakku qanoq iluarsiniarneqassanersut.

Pingaaruteqarpoq ajornartorsiutit suussusaat, ilungersornassusaat annertussusaallu suliffeqarfimmit allaaserineqarnissaat. Ajornartorsiutinut patsisaasut siunertamullu tulluarnerpaatut aaqqiissutaasussat aamma nassuiarneqassapput.

Suliffeqarfiup aaqqissutissat allaaserilerunigit makku sianigisariaqarpai,

• iluarsiissutissat pinaveersaartitsissutaassasut, ajornartorsiutit uteqqinnginnissaannut
• ajornartorsiutaasup tunngavigisaanut aaqqiissutissat sammitinneqassasut
• suliat sulisunut tulluarnerusumik naleqqussarneqarnissaat
• ulorianartoq imaluunniit artorsartitsisoq taarserneqarsinnaapput arlaannik uloriananngitsumik/artorsartitsinngitsumik imaluunniit ulorianannginnerusumik/artorsartitsinnginnerusumik
• aaqqiissutissat illersuutaassasut sapinngisamik amerlanerpaanut
• sulisut ilinniartinneqassasut ilinniartinneqarnissamittut ilitsersorneqarlutillu ilitsersorneqarnissamittut.

4.3. Napparsimalluni sulinngitsoortarnerit ilanngunneqarneri

Sullivimmi avatangiisit isumannaatsuullutillu peqqinnartuuppata, tamanna sulisut akornanni napparsimalluni sulinngitsoortarnermut pinaveersaartitseqataasinnaavoq. Paarlattuanik sullivimmi avatangiisitigut ajornartorsiutit napparsimalluni sulinngittoortarnermut aqqutaasinnaapput.

Isumassarsiatsialaasinnavoq misissuineq aallartikkaanni, sullivimmi avatangiisini pissutsinik peqarnersoq, napparsimalluni sulinngitsoortarnerput patsisaasinnaasunik. Imaassinnaavoq assersuutigalugu oqimaattunik kivitsinerit amerlasuut, sulinermi ajoqusernerit, sulliviup iluani silaannaq imaluunniit tarnikkut sullivimmi avatangiisit pitsaanngitsut.

APV-mik suliaq, suliffeqarfimmi sullivimmi avatangiisit aamma napparsimalluni sulinngitsoortarneq imminnut ataqatigiinnersut pillugu ilisimasaqarnerulersitsisinnaavoq.

Siunertaaavoq nalilersussallugu, suliffeqarfik taava qanoq iliorsinnaanersoq napparsimalluni sulinngitsoortarnerup annikillisinnissaanut.

Taamaattumik suliffeqarfiup APV-ianut napparsimalluni sulinngitsoortarneq akuutinneqassaaq. Napparsimalluni sulinngitsoortarnerpiaq isummerfigineqartussaanngilaq, kisianni suliffeqarfiup nalilersussavaa, sullivimmi avatangiisini pissutsinik peqarnersoq napparsimalluni sulinngitsoortarnermut patsisaaqataasunik. Inuit ataasiakkaat napparsimallutik sulinngitsoortarnerat APV-iimut ilaatinneqassanngillat.

Napparsimalluni sulinngitsoortarnermut pissutaakkajuttarput pissutsit assigiinngitsunik katitigaasut. Ilaatigut paasineqarsinnaasarpoq suliffeqarfimmi sullivimmi avatangiisit napparsimalluni sulinngitsoortarnermut peqqutaaqataanngitsut. Kisianni aamma paasineqarsinnaasarpoq sullivimmi avatangiisit napparsimalluni sulinngitsoortarnermut sunniuteqartut.

Piumasaqaateqanngilaq suliffeqarfiit APV-mik suliaqarnermi napparsimalluni sulinngitsoortarneq qanoq ilillugu ilaatissaneraat. Taamaattumik suliffeqarfiup nammineerluni qinersinnaavaa periuseq periaatsilluunniit sullivimmut tulluarnerpaasorisani.

Suliffeqarfiup, assersuutigalugu kisitsisinngorlugit nalunaarsukkat, misissuinerit imaluunniit napparsimalluni sulinngitsoortarneq pillugu ilisimasat allat atorlugit, napparsimalluni sulinngitsoortarneq assilianngorlugu takusassiarisinnaavaa, assersuutigalugu

• qanoq agguataarneqarnersut
• qaffakkiartornersut appariartornersulluunniit
• immikkoortortaqarnersoq suliamilluunniit ingerlatat aalajangersimasut immikkut qaffasissumik appasissumilluunniit napparsimalluni sulinngitsoorfiusarnersut

Taamatut takussutissiaq tunngavigissallugu pitsaasuusinnavoq nalilerniarlugu, sullivimmi avatangiisitigut pissutsinik allanngortittariaqartunik peqarnersoq, napparsimalluni sulinngitsoortarneq pinaveersaartikkusullugu.

4.4. Tulleriiaarineq suleriarnissamullu pilersaarut

APV-pik suliaqarnermi aqqusaagassanut tulliuvoq suleriarnissamut pilersaarusiornissaq, suliffeqarfiup, sullivimmi avatangiisitigut ajornartorsiutit massakkorpiaq aaqqinneqarsinnaanngitsut, qanoq iliorluni aaqqissinnaanerai. Sullivimmi avatangiisitigut ajornartorsiuteqarnera paasineqarpat, suliffeqarfiup naliliinera malillugu, ingerlaannaq aaqqinneqarsinnaasunik, nalinginnaasumik pitsaanerpaajussaaq ingerlaannaq aaqqikkaanni.

Suliassanut pilersaarut makkuninnga imaqartariaqarpoq:

• Ajornartorsiutit pillugit naatsumik allaaserisaq
• Iluarsiissutissatut toqqakkat pillugit naatsumik allaaserisaq.

APV-mik suliaqarnerup takutippagu, sullivimmi avatangiisitigut ajornartorsiuteqartoq, sulisunut isumannaallisaanerup peqqinnissallu tungaatigut ajutoorfioriaannaasumik, suliffeqarfiup ingerlaannartumik iliuusissat aalajangissavai, ajutoorfiusinnaasoq peerlugu imaluunniit navialiffiusinnaanera akuerineqarsinnaasumut appartillugu.

Ajornartorsiutit suleriarnissamut pilersaarummi aamma ilaasariaqarput, ataavartumik aaqqiissutissat suliarineqarsinnaaqqullugit.

Pingaaruteqarpoq suleriarnissamut pilersaarut peqqissaarullugu suliarineqarnissaa. Ilaatigut pingaaruteqarpoq qulakkiissallugu, siunertaq piffissanullu pilersaarutit sapinngisamik piviusorsiortuunissaat, aamma isummerfigineqarsimassasoq, ajornartorsiutit suut aaqqinneqarnissaannut kina akisussaasuunersoq. Aqutsisut

aamma sullivimmi avatangiisit pillugit aaqqissuussaanerup ataatsimoorlutik oqaloqatigiissutigisariaqarpaat suleriarnissamut pilersaarut tulleriiaarinerlu.

Suleriarnissamut pilersaarut imaqassaaq ajornartorsiutit paasineqarsimasut pillugit tulleriiaarinermik, qanoq tulleriiaarlugit aaqqinneqassanersut, qaqugu tamanna pissanersoq, aamma kina akisussaasuussanersoq, tamatuma pinissaanut. Aamma pisariaqalersinnaavoq ajornartorsiutit ataasiakkaat pillugit aaqqiivigineqarnissaannut siunnersuutit assigiinngitsut akornanni pingaarnersiuinissaq.

Isumassarsiatsialaavoq sulisut akulerutsinnissaat aaqqiissutaasinnaasunik nassaarniarnermi, tamakkununnga piginneqataalersillugit.

Suleriarnissamut pielrsaarut atorneqarsinnaavoq sammisaqartitsinermut piffissamullu pilersaarusiatut suleriaqqinnissap ingerlaqqinnissaanut.

Inuit, APV-m ingerlatsinermut akisussaasut, suliffeqarfiup sinneranut ingerlaavartumik paasissutissiisariaqarput, assersuutigalugu ajornartorsiutit suut aaqqinneqarsimanersut, suullu tullinnguunnersut. Pingaartuuvoq, suliffeqarfiup ajornartorsiutinik paasineqartunik ukkassinerminik aalajangiusimanninnissaa.

• Suleriarnissamut pilersaarummik malitseqartitsineq

Aqqusaagassanut kingulliuvoq najoqqutassiornissaq, suliffeqarfik qanoq iliorluni suleriarnissamut pilersaarummik malitseqartitsinissaa pillugu.

Matuma ataani ersarissarneqassaaq, suleriarnissamut pilersaarummik piviusunngortitsinissamut akisussaasuunersoq. Ilanngullugu takutinneqassaaq, qaqugu aamma qanoq aalajangerneqassanersoq, aaqqiissutissatut qinerneqartut sunniuteqarnersut, aamma suleriarnissamut pilersaarut nutarterneqassanersoq.

5. APV ingerlaavartumik nutarterneqartassaaq

Suliffeqarfiup APV-ni nutartertassavaa, sulinermi allanngortoqaraagat imaluunniit suliamik ingerlatsinermi periaaseq allannguiviugaangat. Taamaallaalli tamanna sullivimmi avatangiisinut sunniuteqaraagat.

Pisariaqarsinnaavortaaq APV iluarsiivigitsiassallugu, nutaanik paasisaqarnermi imaluunniit nutaanik misilittagaqalernermi. Assersuutigalugu sulitilluni ajutoortoqarpat imaluunniit napparsimallutik nalunaartut amerlassusiat qaffiarujussuarpat, aamma paasineqarpat, tamanna sullivimmi avatangiisinit pissuteqartoq, taava APV-mik iluarsiineq pisariaqarsinnaavoq.

Assersuutaasinnaapput, sullivimmi avatangiisit tungaasigut pissusiusuni allannguutaasutut imaluunniit suliat qanoq periuseqarluni suliarineqartarnerannut, angerlarsimaffimmit suliassanik suliaqarsinnaalernerit, maskiinanik nutaanik atuineq imaluunniit tunisassiornermi akuutissat atortussiallu nutaat atorneqalerneri.

Qanorluunniit pisoqaraluarpat APV minnerpaamik ukiut pingasukkaarlugit nutarterneqartassaaq.

6. Paarlakaattumik sulliviit aamma sulliviugallartut

Nalinginnaasumik pisariaqartussaanngilaq APV-mik ingerlatsissalluni paarlakaattumik sulivinni tamani aamma sulliviugallartuni tamani. Suliamik ingerlatsinermi suliat ilai sullivinni arlalinni assigiissaartumik suleriaaseqarluni suliassaakkajuttarput. Assersuutigalugu imaassinnaavoq suliffeqarfinni angerlarsimaffinni ikiorteqarnermi, ruujorilerinermi il.il.

Pisuni taamaattuni nalinginnaasumik suleriaasiusunt aallaavigalugit APV suliarineqarsinnaavoq. Sullivigisami sullivigisaniluunniit arlalinni pissutsit immikkut ittuuppata, suliap qanoq suliarineqarnissaanut sunniuteqartumik, tamanna APV-mi takuneqarsinnaassaaq.

Suliffeqarfimmut suliamik suliffeqarfiup angerlarsimaffiata avataani suliaqartumut, APV-imik suliaqarnissami aqqusaagassaq siulleq tassaassaaq, paasiniassallugu sullivimmi avatangiisitigut immikkut ittunik ajornartorsiuteqarnersoq paarlakaattuni sullivinni sulliviugallartuniluunniit, siornatigut ilisimasimanngisanik.

Tamatuma kingorna suliffeqarfiup APV-mik suliaqarnermi aqqusaagassat sinneri misissuataassavai. APV pissarsiarineqarsinnaassaaq, sulisut atuarsinnaaniassammassuk.

Suliffeqarfiup assersuutigalugu APV ininut, sulisut akuttunngitsumik iserfigisartagaannut ilisinnaavaa.

Suliffeqarfiup APV-ni nutartertassavaa, sulinermi allanngortoqaraagat imaluunniit suliamik ingerlatsinermi periaaseq allannguiviugaangat. Taamaallaalli tamanna sullivimmi avatangiisinut sunniuteqaraagat.

7. Illuliornermik sanaartornermillu suliaqarfiit

Illuliornermik sanaartornermillu suliaqarfimmi suliffeqarfinnut amerlanernut pisariaqassaaq, suliffeqarfiup sanaartorfinni suliaasa aamma sullissilluni suliassaqarfinni assigiinngitsuni suliaasa APV-mi ilanngunneqarnissaat.

APV-ip immikkoortua sanaartorfiusumi sulinermut tunngassuteqartoq paarlaanneqassanngilaq sanaartorfimmi isumannaallisaanermut peqqinnissamullu pilersaarummut, sanaartortitsisumit suliarineqartumut.

APV-mi aallaavigineqarsinnaapput suliffeqarfiup nalinginnaasumik suliai. Sanaartorfinni ataasiakkaani pissutsit immikkut ittuusinnaapput. Pissutsit immikkut ittut assersuutigalugu takuneqarsinnaapput suliariumannittussarsiuussinermi atortuni imaluunniit sanaartortitsisup pilersaarutaani. Suliffeqarfiup APV nutartissavaa, sanaartorfimmi pissutsit immikkut ittut atuuppata. Pingaartuuvoq, suliffeqafiup isumaqatigiissutigippagit najoqqutassat, qanoq APV pissutsinut immikkut ittunut naleqqussarneqassanersoq.

Suliassat nalinginnaasut assersuutigalugu makkuusinnaapput, beton-it immikkoortukkuutaat ikkussuunneri, qarmaaneq, ungasissumit kiassaanermi sullulinnik piiaaneq, qalialiornermi sananeqaatsit ikkussuunneri imaluunniit qalianik oqorsaaneq.

APV sulisunit takuneqarsinnaassaaq. Akuttunngitsumik suliffimminnut isertarpata naammappoq

APV tasani takuneqarsinnaappat. Taamaanngippat, taava APV sanaartorfimmi arlaatigut inissisimassaaq takuneqarsinnaalluni. Suliffeqarfiup qinersimappagu sullivimmi APV immikkut suliarissallugu, taanna naammappoq sullivimmi takuneqarsinnaappat.

Pissutsit immikkut ittut makkuusinnaapput, assersuutigalugu sananeqaatsit atornikut, akuutissat atortussiallu, imaluunniit suliamik suliarinninneq nalinginnaasumit allaanerusoq.

Suliffeqarfiup APV sanaartorfiusup aqutsisuinut nassiuttariaqarpaa, tamanna sanaartortitsisup isumannaallisaaneq peqqinnissarlu pillugit pilersaarutaata ingerlaavartumik nalilersorneqarneranut sunniuteqarsinnaappat.

APV assersuutigalugu sulisut illuaraanni/oqqittarfianniitinneqarsinnaavoq.

8. APV pillugu piumasaqaatit immikkut ittut

Suliffeqarfiup sianigissavaa APV arlalitsigut immikkut ittumik piumasaqarfiummat. Ilaatigut makku pineqarput:

• Assassorluni suliaqarneq
• Skærmip saavani sulineq
• Kræfteqalissutaasinnaasunik sulineq
• Biologiskit napparsimalersitsisinnaasut
• Naartusut milutsitsisullu sullivimmi avatangiisaat
• Aatsitassanik piiaaneq
• Inuusuttut sullivimmi avatangiisaat
• Kemiskiusut napparsimalersitsisinnaasut
• Qaartoorfiusinnaasumi silaannartalimmi sulineq
• Sajuppilunnerit

Suliffeqarfiup piumasaqaatinut tamakkununnga paasissutissat annertunerusut pisinnaavai Sullivinnik Nakkutilliisoqarfiup nittartagaanut iserluni www.at.dk.

9. APV-mik suliaqarnermi ikiuut

• Sullivinnik Nakkutilliisoqarfiup sullivinnik nalilersuinerni immersugassaatai

www.at.dk-mi Sullivinnik Nakkutilliisoqarfiup nalilersuinerni immersugassat apeqqutitallit neqeroorutigai, sullivimmi avatangiisitigut ajornartorsiutit suut APV-mi sammineqarnissaat pillugu isumassarsiorfiusinnaasut.   Sullivinnik nalilersuilluni immersugassat pingaartumik suliffeqarfinnut mikinerusunut qulit ataallugit sulisulinnut sammititaapput, aamma assigiinnik suliaqarfinnut immikkoortitigaallutik.

9.2. Sullivinnik Nakkutilliisoqarfiup ilitsersuutai

Suliffeqarfiup ilitsersuutit nanisinnaavai Sullivinnik Nakkutilliisoqarfiup nittartagaani www.at.dk. Assigiinnik suliaqarfinni assigiinngitsuni sullivimmi avatangiisitigut ajornartorsiutaasinnaasut nalinginnaasut ilitsersuutini allaaserineqarput. Peqatigitillugu siunnersuutinik imaqarput, suliffeqarfiup qanoq iliorluni ajornartorsiutit aaqqissinnaanerai, aamma ilisimasanik isumassarsiorfissanillu nassaarfigisinnaallugit.

Suliffeqarfinni ataasiakkaani ajornartorsiutit annertuut APV-mut ilanngunneqassapput, apeqqutaatinnagu sullivimmi avatangiisinut ilitsersuummi allassimappat allassimanngikkaluarpalluunniit.

9.3. Ikiuutit allatut ittut

Suliffeqarfiit siunnersuinermik ingerlatallit arlallit sakkussat elektronisk-iusut neqeroorutigaat, suliffeqarfiup APV-mik suliaqarnerani aqqusaagassat aaqqissuussaasumik suliarineqarnissaannut, taamaalilluni inatsisitigut piumasaqaataasut malinneqassallutik. Aaqqiissutissanik elektronisk-iusunik aamma nassaassaqarpoq, assersuutigalugu nalunaarsuereerluni suleriarnissamut pilersaarutinik suliaqarniarluni ikaarsaarnissamik oqinnerulersitsisunik.

Sullivimmii avatangiisit pillugit assigiinnik suliaqarfiit peqatigiiffia aamma APV-mik suliaqarneq pillugu paasissutissiornikuuvoq, assigiimmik suliaqarfinnut assigiinngitsunut sammisitaasunik (bfa-web.dk).BrancheFællesskaberne for Arbejdsmiljø (https://www.bfa-web.dk/)

Sullivinnik Nakkutilliisoqarfiup nittartagaani www.at.dk sullivimmi avatangiisinut siunnersortit akuerisaasut allattorsimaffiat takuneqarsinnaavoq. Suliffeqarfiullli aamma qinersinnaavaa avataanit siunnersortit allat atussallugit.

Sullivimmi avatangiisinut siunnersortit nassaariuk (/najoqqutassat/nassaariuk-sullivimmi avatangiisinut siunnersorti/)

Aamma atuaruk

Tunuliaqutaa

Suliap suliarinera - Nalunaarut 1234 - 2018 - kingusinnerusukkut allannguutit ilanngullugit (/malittarisassat/nalunaarutit/suliat-suliarineri-1234-sam/)

Version tuluttooq

Risk assessment (APV) - WEA Guideline D.1.1 (https://at.dk/en/regulations/guidelines/risk-assessment-apv-d-1-1-3/)