Accept af cookies fra at.gl

At.gl benytter cookies til flere formål - fx. til at forbedre brugernes oplevelse af hjemmesiden.

 

Sullivinnik Nakkutilliisoqarfiup suliniutigisartagai

Sullivinnik Nakkutilliisoqarfik ukiut tamaasa suliniutinik ingerlataqartarpoq, paasissutissiineq, illugiilluni oqaloqatigiinneq, nakkutilliineq ingerlatallu allat aqqutigalugit suliaqarfimmi aalajangersimasumi sullivinni avatangiisitigut ajornartorsiutit pitsaaliorneqarnissaannik immikkut sammisaqarfiusunik.

Assersuutigalugu sanaartorneq immikkut sammineqarsinnaavoq, tamatumanilu sanaartorfiit orninneqarsinnaapput ikaanit (stillads-init) nakkarsinnaanermut aarlerinartoqarneranik, nunaannarmi quatsersimasumi maniinnersarasaartumilu angallannerup sulinerullu aarlerinartorsiorfiusinnaanerannik kiisalu sulisut isumannaallisaatinik atuinerannik misissuinissaq siunertaralugu.

Taamatuttaaq suliffeqarfimmi isumannaallisaanerup tungaatigut aaqqissuussineq sullivinnilu avatangiisit pitsanngorsarniarlugit suliffeqarfiit namminneq suliniutaat sammineqarsinnaapput.