Annerusumik akiliisitsisalerneq, pinerluttaalisitsineq pillugu inatsimmut tunngatillugu sulisitsisut sulisullu akisussaaffiinik allannguineq aamma sanaartornerup- nunagissaanerullu iluani sulianik ataqatigiis-saarisutut ilinniagaq nutaaq. Taakku Kalaallit Nunaanni sullivinni avatangiisit pillugit inatsimmi allannguutaapput nutaat. 

Kalaallit Nunaanni Sullivinnik Nakkutilliisoqarfik

Sullivinnik Nakkutilliisoqarfik sullivinni avatangiisinut tunngasuni oqartussaasuuvoq. Sukumiisumik nakkutilliinikkut, siunnerfeqartumik killilersuinikkut paasissutissiisarnikkullu sullivinni avatangiisit isumannaatsut, peqqinnartut ineriartornartullu pilersinneqarnissaannut Sullivinnik Nakkutilliisoqarfik suleqataavoq. Sullivinnik Nakkutilliisoqarfik pillugu paasisaqarnerorusukkuit.

Sullivinnik Nakkutilliisoqarfik ukiut tamaasa nakkutilliinermut atatillugu arlalippassuariarluni misissuiartortarpoq. Ornigunnerit pisarpoq sullivinni avatangiisit pillugit malittarisassat malinneqarnerat misissoriartorlugu, kiisalu sullivinni avatangiisinut tunngasut qanoq pitsanngorsarneqarsinnaanerat ilitsersuutigiartorlugu. Nakkutilliinermut atatillugu ornigunneq suliffeqarfiup sullivinni avatangiisinut akisussaaffeqarneranik atorunnaarsitsissutaasumik akuersissutiginninnerusanngilaq, suliffeqarfiilli sullivinni avatangiisinik sulissutiginninnermik ingerlatseqqinnissaat anguniarlugu suliniarnermut attuumassuteqartarluni. Suliffeqarfinnik suleqateqarneq pillugu paasisaqarnerorusukkuit.