Accept af cookies fra at.gl

At.gl benytter cookies til flere formål - fx. til at forbedre brugernes oplevelse af hjemmesiden.

 

Sullivinnik nalilersuinerit

Kikkunnut

Inatsimmi allassimavoq sulliviit tamarmik atorfinitsitaqartut 1. januar 2009 aallartiffigalugu allassimasamik sullivimmik nalilersuinermik – ulluinnarni APV-mik taaneqartumik – suliaqarnissaminnut pisussaatitaalissasut.

Sulisitsisup akisussaaffigaa – sulisorisallu peqataatinneqassaapput.

Ilissi qanoq APV-liorniarnerlusi aalajangissavarsi. APV sulisitsisumit suliarineqassaaq, sullivim-mi aaqqissuisoqatigiillu peqataatinneqassallutik. Sullivimmi aaqqissuisoqatigiinniaqateqarnissa-mut piumasaqaateqartoqanngippat sulisorisat nalilersuinermut peqataatinneqassapput.

Sooq

Sullivimmi avatangiisini ajornartorsiutit nammineerlutik aaqqinneq ajormata. Sullivimmi avatangiisinik pitsanngorsaaniarnermi suliffeqarfippassuit APV-mik atugaqarneq pitsaasunik misilittagaqarfigisimavaat. Taamaattumik ilaatigut suliffeqarfiit atorfinitsitaqartut tamarmik APV-mik suliaqartarnissaannik inatsisitigut piumasaqaat atuutsinneqalersimavoq.

APV-mik suliaqarnikkut makku paasiniarneqarput:

  • sulliviup avatangiisianni ajornartorsiuteqarnersusi
  • ajornartorsiutit sumiissinnaanerisa paasiniarneri
  • ajornartorsiutit qanoq aaqqiivigissanerisi
  • aaqqinneqarnissaannut kina akisussaaffeqarnersoq, aamma
  • qaqugukkut malitseqartitsiniassanersusi.

Sullivimmi avatangiisinik pitsanngortitsiniarnermi makku aalajangiisuupput:

  • sullivimmi avatangiisinik suliaqarneq ilissi annertuumik pingaartuutissagissi
  • aqutsisut sulisorisallu kinguneqartumik iliuuseqarlutik peqataanissaat
  • suliamut naammattumik piffissaqassasusi
  • naammaginartunik ilisimasaqassasusi piginnaaneqassasusilu.

Qanoq

Ima APV-liussaasi:

APV periaatsit arlalippassuit atorlugit suliarineqarsinnaavooq, minnerpaatulli makku isumagissavasi:

  • aqutsisut sulisullu ataatsimiittarnissaat. Isumannaallisaanermik aaqqissuisoqarnissaq pillugu piumasaqaateqartoqarpat taakku peqataatinneqassapput.
  • APV-mik suliaqarnermi sullivimmi avatangiisini pissutsit tamaasa ilanngunneqassapput. Eqqaamakkit aamma toqqorsivik, allaffik, eqqiluisaarneq, soorunalumi maskiinat tamaasa – aamma atorneqakulanngitsut.

Ima aallartissaasi

APV-liorneq ima aallartissavarsi:

  • Aqutsisut sulisorisallu ataatsimiigiaqqusigit, soorlu suliaqarfigisassinni sulinermi avatangiisini ajornartorsiutaanerusartut pillugit ilitsersuut qallunatoortoq(Sullivinnik Nakkutillisoqarfimmeer-soq) aamma Sullivimmi Nakkutilliisoqarfiup APV-mut tunngasunik misissuiffissat ilaannik ataatsimik arlalinnilluunniit misissuisinnaavusi. Aamma qallunaat suliaqarfiusuni sullivimmi avatangiisinut isumalioqatigiissitat APV-mut tunngasunik misissuiffissaata Sullivinnik Nakkutilliisoqarfiup misissuiffissaataanut peqatigitillugit imaluunniit arlaannaat atorlugu nalilersuisinnaavusi.
  • Pitsaanerusumik sullivimmi avatangiisinik suliaqarniarnissinnut pilerssarusioritsi.

APV-mut ikiortariaqarussi

PV pillugu Sullivinnik Nakkutilliisoqarfiup ilitsersuutaa aamma atuarsiuk. Tassani APV-mut piumasaqaatit siunertaalu nassuiarneqarput.

APV-eepiaq

APV-iissarsi suliarinialerussiuk sullivimmi avatangiisissinni ajornartorsiuteqarnersusi qulak-keeqqaassavarsi. Ajornartorsiutit tamakkerlugit samminiarsarinissaannut arlaatigut iliuuse-qarsinnaanersi pingaartuuvoq. APV allassimassaaq (pappialami imaluunniit qarasaasiami). Ima iliussaasi:

  • Suliffeqarfiup avatangiisii ajornartorsiuteqarnersut sukkut sumilu misissorneqassaaq.
  • Ajornartorsiutit annertussusaat nalilersorlugit ilungersunarnerilu qulakkeerlugit. Tamak-kununngalu patsisaasut paasiniarsigit.
  • Sullivimmi avatangiisini pissutsit napparsimasarnernut patsisaasinnaaneri nalilerniarsinnaa-vasi.

Ajornartorsiuteqarussi

Ajornartorsiuteqarnersi paasigussiuk, ima iliussaasi:

  • Ajornartorsiutinut pingaarnersiuineq, maannakkullu aaqqissinnaanngisassinnut aaqqiissu-tissanik pilersaarusiussaasi.
  • Ajornartorsiutit allaganngorlugit pilersaarusiornissaat, qanorlu tulleriiaarneqarnissaat qaqugulu aaqqiivigineqarnissaannut pilersaarusiortoqassaaq.
  • Eqqaamallugu aqqiissutissat malitseqarsimanersut malittarinissaat, aaqqiissutissaallu kiap akisussaaffigineraa inissillugu.

Qaqugu

Ukiut pingasukkaarlugit APV nalilersortassavarsi.

Sulinermi allannguuteqarnerni, imaluunniit sullivimmi avatangiisinut pingaarutilinnut sulinermi suleriaatsinilu allannguuteqarnerni, soorlu nutaanik maskiinartaarnissinni APV nalilersorneqaq-qittassaaq.

Taamaattorli APV minnerpaamik ukiut pingasukkaarlugit misissorneqaqqittassaaq.